Bill Gates-a’n a nupui then a inchhir thu a sawi
Bill Gates, kum 69, chuan a nupui Melinda French Gates nena an inthen atanga kum thum chuang a vei hnuah Melinda a then chu a thil tih tawh zinga a la inchhir ber a nih thu a sawi.
UK chhuak chanchinbu The Times-in an kawmnaa Bill Gates chuan, “Ka tihsual zinga ka inchhirna ber a la ni,” tiin Melinda nena an inthen chungchang a sawi a, “Hei hi list-ah a chungbera dah theih a ni. Inchhirna dang pawh ka nei nual a, mahse, kha aia pawi kha chu a awm lo. Kha inthenna avang khan kum nih vel chhung kha chu Melinda nen kan hrehawm takzet a ni,” a ti.
Microsoft dintu, khawvel pahausa ber te pawh lo ni tawh a, tunah pawh a hausa ber pawl la ni ta reng Bill Gates leh Melinda te hi kum 27 an inneih hnuah 2021 khan an inthen a, fa pathum- Jennifer Gates Nassar, kum 28, Roey Gates, kum 25, leh Phoebe Gates, kum 22, te an nei.
Melinda nena an inthenna an tihfel hnuah, 2023 atang khan Bill Gates hi tuna a ngaihzawng Paula Hurd nen an chhuak dun tan a, Paula hi Oracle Corporation CEO boralta Mark Hurd thihsan a ni a, Gates te hi inthen fel tawh mah se an la intitha zui reng tho a, Bill chuan, “Melinda nen kan la inhmu fo a, fa patum leh tu pahnih kan nei a, chhungkaw thil tihkhawm neuh neuh pawh kan nei ve reng a ni,” a ti bawk.
Bill Gates-a’n a nupui then a inchhir thu a sawi
Get real time updates directly on you device, subscribe now.