Billboard 200-ah Stray Kids ‘5-STAR’ a No.1

Billboard 200-ah Stray Kids ‘5-STAR’ a No.1
Stray Kids album thar ‘5-STAR’ chu Billboard 200 (albums) chart-ah a No.1 a, he cart-a an album No.1 kai thei pathumna niin, 2022 khan an album pahnih ‘MAXIDENT’ leh ‘ODDINARY’ te chu No.1-ah a lo debut ve ve tawh bawk. Hetihrual hian Jelly Roll, ENHYPEN, Metro Boomin ‘Spider-Verse’ soundtrack, Foo Fighters leh Moneybagg Yo te pawh chart top 10-ah an lang.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album tlukpui te belhkhawm thin a ni.
K-Pop group Stray Kids ‘5-STAR’ hi 2,49,500 hralhin chart No.1-aha debut a, album tak tak hralh zat chu 2,35,000 niin, kumin bikah kar khat chhunga album tak tak hralh tam ber a la ni. Streaming atangin album 14,000 tlukpui (on-demand official streams) leh album-a hla mal hralhna atangin 500 a tling thei bawk.
‘5-STAR’ album-a hlate hi Korean deuh vek a ni a, English lyrics tlem tlem telna a awm bawk a, sap hla album ni lo zinga he chart-a No.1 kai thei album 19-na niin, kuminah chuan a pathumna a ni. Stray Kids hian Billboard 200 chart-a No.1 kai thei album pathum nei tawh mahse Billboard Hot 100 (singles) chart lamah chuan an la lang thei an la nei lo thung a ni.
Chart No.1 hlui Morgan Wallen ‘One Thing at a Time’ chu 1,17,000 hralh lehin No.2-ah bawk a la awm.
Jelly Roll ‘Whitsitt Chapel’ chu 90,000 hralhin No.3-ah a debut a, he chart-a a tawn sân ber a la ni. Copy 63,000 chu album tak tak hralhna niin, 25,000 chu streaming atanga album tlukpui (on-demand official stream maktaduai 33.09) a ni a, album-a hla mal hralhna atangin 2,000 a tling thei bawk.
Korean pop group dang ENHYPEN album thar ‘Dark Blood’ pawh 88,000 hralhin chart No.4-ah a debut a, 85,000 chu album tak tak hralhna niin, streaming atangin 3,000 (on-demand official stream maktaduai 3.79) a tling thei bawk.
Chart No.1 hlui Taylor Swift ‘Midnights’ chu 83,000 hralh lehin No.1 atangin No.5-ah a tawlh a, Lil Durk ‘Almost Healed’ chu 67,000 hralh lehin No.3 atangin No.6-ah a tawlh ve ta bawk.
Metro Boomin album thar ‘Spider-Man: Across the SPider-Verse’ chu 66,000 hralhin No.7-ah a debut a, streaming atangin 62,000 (on-demand official stream maktaduai 83.57) niin, album tak tak hralh zat chu 3,000 a ni a, album-a hla mal hralhna atangin 1,000 a tling thei bawk. Metro Boomin tan he chart top 10-a lang thei album paruk a neihna a ni.
Foo Fighters pawh chart top 10-ah an rawng lang ve leh ta a, 2022-a an drummer Taylor Hawkins thih hnua an album tihchhuah leh hmasak ber niin, ‘Bur Here We Are’ chu 62,000 hralhin No.8-ah a debut a, an band-in he chart top 10-a lang thei album 10 an neihna a ni bawk.
Chart No.1 hlui SZA ‘SOS’ chu 51,000 hralh lehin No.4 atangin No.9-ah a tawlh ve ta bawk.
Rapper Moneybagg Yo album thar ‘Hard to Love’ chu 51,000 tling lo deuh hralhin No.10-ah a debut a, he chart-a a album top 10 kai thei parukna a ni.