Box office-ah ‘Transformers: Rise of the Beasts’ a No.1
Antony Ramos leh Dominique Fishback te channa ‘Transformers: Rise of the Beasts’ chuan tun weekend kalta khan North America-ah cinema hall ticket hralhna atangin dollar maktaduai 60.5 a la lut a, box office No.1 a ni. Box office ranking hi Zirtawpni atanga Pathianni thlenga North America-a cinema hall-a ticket hralhna atangin sum hmuh tam dan atanga tehin ranking siam thin a ni.
‘Transformers’ film dang ang bawkin kum lama naupang deuh zawkin an bawh a, ticket leitu 56% chu kum 18-34 an ni a, ticket leitu tam zawk chu mipa an ni bawk.
Transformers: Rise of the Beasts hi US pawn lamah a che tha zawk mah a, dollar maktaduai 110 a lalut thei a chung zinga dollar maktaduai 40 cu China atanga a lakluh a ni. Tihian opening weekend-a a lakluh zawng zawng chu dollar maktaduai 170.5 a ni.
Rise of the Beasts-ah hian Optimus Prime le Autobot-te chuan thil hmachhawn tur huphurhawm zet mai an nei a, planet zawng zawng tichhe vek thei tur thil a awmn a, chumi lo dang tur chuan Maximals nen an tanho a ngai ta a ni. He film-ah hian Cristo Fernandez leh Liza Koshy bakah Pete Davidson leh Peter Cullen te pawhin an aw an thawh a ni.
Kar kalta box office No.1 animated movie ‘Spider-Man: Across the Spider-Verse’-in dollar maktaduai 55.4 lalut lehin No.2-ah a tawlh a, he film hian ni 10 chhungin US-ah dollar maktaduai 225.4 a lalur ta a, US pawnah dollar maktaduai 164.5 lalut tawh bawkin, a vaiin dollar maktaduai 389.9 a tlin ta a ni.
Live-action movie The Little Mermaid pawhin a kar thumnaah dollar maktaduai 22.8 lalut lehin No.3 a la ni a, tihian US-ah dollar maktaduai 229.8 lalut tawhin, US pawnah dollar maktaduai 185.4 a lalut tawh bawka, a vaiin dollar maktaduai 400 a pel ta a ni.
Box office No.1 hlui ‘Guardians of the Galaxy Vol.3’-in dollar maktaduai 7 lalut lehin No.4 a ni a, he film hian khawvel huapin dollar maktaduai 805.9 a lalut tling ve ta bawk.
Stephen King thawnthu ziah behchhana an chan ‘The Boogeyman’-in dollar maktaduai 6.9 lalut lehin No.5 a ni a, he film hian ni 10 chhungin US-ah dollar maktaduai 24.7 a lalut tling ve ta bawk a ni.
Box office top 10:
1 Transformers: Rise of the Beasts $60,500,000
2 Spider-Man: Across the Spider-Verse $55,425,000
3 The Little Mermaid $22,790,000
4 Guardians of the Galaxy Vol 3 $7,028,000
5 The Boogeyman $6,917,000
6 Fast X $5,200,000
7 The Super Mario Bros. Movie $2,120,000
8 About My Father $845,000
9 The Machine $575,000
10 Past Lives $520,772
Box office-ah ‘Transformers: Rise of the Beasts’ a No.1
Get real time updates directly on you device, subscribe now.
Next Post