Billboard 200 leh Hot 100-ah Morgan Wallen a No.1

Morgan Wallen album ‘One Thing at a Time’ chu Billboard 200 (albums) chart-ah a No.1 a, he chart-a kar riat a No.1-na a ni ta a, he album-a a hla ‘Last Night’ chu Billboard Hot 100 (singles) chart-ah a No.1 bawk a
Billboard 200 hi kar khat chhunga US-a album hralh tam dan aTanga tehin chart ranking siam Thin a ni a, album hralh zat chhut nan hian album tak tak hralhna bakah, streaming aTanga album tlukpui leh album-a hla mal hralhna aTanga album tlukpui te belhkhawm Thin a ni. He chart-ah hian BTS member Suga’n August D anga a album tlangzarh leh Taylor Swift leh YoungBoy Never Broke Again te pawh top 10-ah an debut.
Morgan Wallen ‘One Thing at a Time’ hi kar khat chhunga 1,49,000 hralh lehin a kar riat nan a No.1 leh ta a, copy 1,41,000 chu streaming aTanga album tlukpui (on-demand official stream maktaduai 188.51) niin, album tak tak hralh zat chu 5,500 a ni a, album-a hla mal hralhna aTangin 2,500 a tling thei bawk.
August D (Suga) solo debut album ‘D-Day’ chu 1,40,000 hralhin No.2-ah a debut a, solo artist anga a album top 10 kai thei hmasa ber niin, BTS member zingah solo anga Billboard 200 chart-a top 10 kai thei album nei thei pathumna a ni bawk. BTS member dang Jimin solo debut album ‘FACE’ chu April thla tir khan No.2 a kai a, nikum December khan RM album ‘Indigo’ chu No.3 a kai tawh bawk. BTS ang chuan chart top 10 a lang thei album pasarih an nei tawh a, chung zinga paruk chu No.1 a kai vek a ni.
D-Day hi 1,22,000 chu album tak tak hralhna a ni a, streaming atangin 12,500 (on-demand official stream maktaduai 17.9) tlingin, album-a hla mal hralhna aTangin 5,500 a tling thei bawk.
Taylor Swift pawhin Record Store Day-exclusive vinyl ‘Folklore: The Long Pond Studios Sessions’ a tlangzarh chu 75,000 hralhin No.3-ah a debut a, a hralhna zawng zawng hi vinyl LP vek a ni. He album hi Disney+ documentary film a album hming ang chiah companion album niin, November 2020-a tlangzarh kha niin, Folklore album an siam dan vel tarlanna a ni.
Taylor Swift hian tunkar chart-ah top 10-a lang thei album pathum a nei a, chart No.1 hlui ‘Midnights’ chu 62,000 hralh lehin No.4-ah bawk a la awm a, a No.1 album dang ‘Lover’ chu No.10 a ni bawk.
YoungBoy Never Broke Again album thar ‘Don’t Try This at Home’ chu copy 60,000 hralhin No.5-ah a debut a, a album top 10 kai thei 14-na a ni.
Chart No.1 hlui SZA ‘SOS’ chu 59,000 hralh lehin No.3 aTangin No.6-ah a tawlh a, chart No.1 hlui Morgan Wallen ‘Dangerous: The Double Album’ chu 48,000 hralh lehin No.5 aTangin No.7-ah a tawlh a, Luke Combs ‘”Gettin’ Old” chu 39,000 hralh lehin No.6 aTangin No.8-ah a tawlh a, chart No.1 hlui Metro Boomin Heroes & Villians’ chu 37,000 hralh lehin No.7 aTangin No.9-ah a tawlh a, chart No.1 hlui Taylor Swift ‘Lover’ chu 36,000 hralh lehin No.9 aTangin No.10-ah a tawlh ve leh ta baw