Billboard 2026 Country Power Players event-a chawimawi zingah Riley Green leh Miranda Lambert an tel

Billboard chuan Nashville-ah Country Power Players chawimawina hun an hmang a, country genre-a top artist leh music executive te chawimawi zingah hian an tel a, kum khat chhunga country music hmasawn nan thawhhlawk leh chetha ta chawimawina a ni.
Riley Green hi Hitmaker award hlan a ni a, Green chuan he chawimawina hi a ngaihhlut thu leh a tan a pawimawh thu a sawi a, ani hi zaithiam leh hlaphuah thiam niin, a hla tam zawk hi midang tel loa amaha a phuah a ni nghe nghe a, chung zingah chuan ‘Worst Way,’ leh ‘Don’t Mind If I Do’ te pawh a tel.
Green chuan, “Hetiang chawimawina hi ka tan chuan mahni inrintawkna min pek belhchhahtu niin, hla dang phuah zel a, show tam zawk neih min chak tirtu a ni,” a ti.
Miranda Lambert chu Icon award hlan a ni a, Lambert chuan, “He community-a tel ve theihna remchang ka lo nei hlauh hi ka lawmin vannei ka inti takzet a ni. |hangthar te tana kawng sial zel ka tum. Country music hi ka nuna bet tlat a ni a, ka puitlin hnu hun tam zawk ka pekna a ni a, kum 23 vel zet ka lo tal ve tawhna a ni nain chutianga rei ni pawhin ka hre lo. Heng kum zawng zawnga min tawiawm thinnaah lawmthu ka sawi mawlh mawlh a ni,” a ti.
2026 Country Power Players-ah hian Tucker Wetmore chu Rising Star award hlan a ni a, The Red Clay Strays group-in Groundbreaker award an dawng a, Austin Neal-a’n Executive of the Year chawimawina a dawng bawk.