Morgan Wallen chu Billboard Artist 100 chart-ah a No.1 a, heti hian tunkar Billboard chart pawimawh Billboard 200 (albums) chart leh Billboard Hot 100 (singles) chart-ah te a No.1 bawk a, core country artist zingah heng chart pathuma tum khata No.1 vek thei hmasa ber a ni a, core country artost chauh ni loah chuan hetianga triple No.1 ni thei zaithiam 14-na a ni. Morgan Wallen hi a hmaa a No.1 tawhna te nen kar riat a No.1 tling ta chiah bawk.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian he chart-ah hian album leh hla hralh tam dan te, radio airplay leh streaming te chu tehna pawimawh a ni.
Margan Wallen hian a album thar ‘One Thing at a Time’ chu kar khat chhungin copy 5,01,000 hralhin Billboard 200 (albums) chart-ah a No.1 a, he album-a a hla 36 te chu Billboard Hot 100 chart-ah an lang vek bawk a, chung zingah chuan ‘Last Night’ tih hla chu No.1 niin, ‘Thought You Should Know’ chu No.7 a ni a, ‘Thinkin Bout Me’ chu No.9 niin, ‘You Proof’ chu No.8 a ni a, a title track ‘One Thing at a Time’ chu No.10 a ni bawk. Hengte avang hian Billboard Artist 100-ah pawh a No.1 chiang hle a ni.
-- Advertisement --
Billboard Artist 100 Top 10:
1 Morgan Wallen
2 SZA
3 Taylor Swift
4 The Weeknd
5 Luke Combs
Billboard 200, Hot 100 leh Artist 100-a Triple No.1 ni ngun tawh te
16, Drake
15, Taylor Swift
9, Adele
5, The Weeknd
2, Ariana Grande
2, Ed Sheeran
2, Harry Styles