Miley Cyrus hla hit ‘Flowers’ chu Billboard Hot 100 (singles) chart leh Billboard Global 200 chart-ah a No.1 ve ve.
Hot100 chart-ah hian kar ruk a No.1-na a ni ta. ‘Flowers’ hi Miley hla he chart-a No.1 ni thei pahnihna niin, a hla hit ‘Wrecking Ball’ chu 2013 khan chart-ah kar thum a lo No.1 tawh bawk a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh offcial video), radio airplay leh sales data te chu tehna pawimawh a ni.
‘Flowers’ hian radio airplay-ah ngaithlatu maktaduai 95.2 a la nei thei a, stream maktaduai 28.7 leh sales 18,000 a la tling bawk a, hei hi chart-ah a No.1 pui leh ta a ni.
SZA ‘KIll Bill’ chu No.2-ah bawk awm lehin, he chart-a kar sarih No.2-a a awmna a ni ta. He hla awmna album ‘SOS’ chu Billboard 200 (albums) chart-ah kar 10 chhunga No.1 tawh bawk a, R&B album-ah chuan 1992-93-a Whitney Houston soundtrack album ‘The Bodyguard’ hnua kar 10 chin No.1 leh thei hmasa ber a ni. The Bodyguard hi kar 20 a No.1 a ni.
PinkPantheress leh Ice Spice ‘Boy’s a Liar, Pt.2’ chu No.4 atangin No.3-ah a insawn a, Metro Boomin, The Weeknd leh 21 Savage ‘Creepin’ chu No.3 atangin No.4-ah a tawlh a, Morgan Wallen ‘Last Night’ chu No.5-ah bawk a la awm a, The Weeknd ‘Die for You’ chu No.7 atangin No.6 a kai thar leh ta bawk.
Chart No.1 hlui Sam Smith leh Kim Petras ‘Unholy’ chu No.6 atangin No.7-ah a tawlh a, chart No.1 hlui bawk Taylor Swift ‘Anti-Hero’ chu No.8-ah bawk a la awm a, Beyonce ‘Cuff It’ pawh No.9-ah bawk a la awm a, David Guetta leh Bebe Rexha ‘I’m Good (Blue)’ pawh No.10-ah bawk a la awm.
Billboard Hot 100 leh Global 200-ah Miley Cyrus ‘Flowers’ a la No.1 ve ve
Get real time updates directly on you device, subscribe now.
Prev Post
Next Post