The Weeknd-a’n Spotify record a siam

Canadian zaithiam The Weeknd, a hming tak Abel Tesfye chuan a hla ‘Die for You’ chu Ariana Grande nena remix a tihchhuah hnu lawkah Spotify-ah record a siam a, February ni 27 khan Spotify-a a hla ngaithlatu thla khat chhunga maktaduai 100 nei tling thei hmasa ber a nih thu Spotify-in an puang a ni.
Thla khata ngaithlatu maktaduai 100 neih tlin theih hi thil harsa zet mai a ni, The Weeknd hi Miley Cyrus-i’n a dawt a, ani hi a hla ‘Flowers’ lar vanglai a ni bawk a, thla khatah ngaithlatu maktaduai 82.5 a nei tling a, Taylor Swift-i’n dawtin, thla khatah ngaithlatu maktaduai 80.3 a nei a, Drake-a’n ngaithlatu maktaduai 68.6 neiin a dawt ve bawk.
The Weeknd sawi takah chuan a concert special, nikum-a After Hours ‘Til Dawn Tour a neih laia an record ‘The Weeknd: Live at SoFi Stadium’ chu HBO Max-ah tun weekend hian an tichhuak dawn a, a HBO drama ‘The Idol’, Euphoria vsionary Sam Levinson leh Reza Fahim te nena an siam, Lily-Rose Depp, Troye Sivan, BLACKPINK member Jennie leh milar dangte inlanna pawh kumin kum chawhnu lam hian an tlangzarh dawn bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More