Mexican star, kumin Billboard Music Awards-a finalist nihna panga nei, Peso Pluma chu 2023 BBMA-ah a perform dawn tih an puang. Ani hi top new artist leh top Latin album-ah te finalist a ni. BBMA hi November ni 19-ah an sem dawn a, Peso Pluma hian a No.3 album ‘Genesis’ a hla ‘Rubicon’ a perform dawn tih an puang bawk.
Peso Pluma performance-ah hian special guest appearance a awm dawn a, boxing legend Mike Tyson a inlan ve dawn a ni. Tyson hian Peso Pluma superfan niin a inchhal a, Peso Pluma album Genesis tihlar nan video a post nghe nghe a ni.
Peso Pluma hi Billbard Music Awards-a finalist a nih vawi khatna a ni a, BBMA finalist-ah a vawi khat lannaah finalist nihna panga a nei nghal thawt a, chung zingah chuan top Latin artist, top Latin male artist leh top Latin album te pawh a tel. A album Genesis chu Billboard 200 (albums) chart-ah No.3 kaiin, Top Latin Albums chart-ah phei chuan kar 15 lai a No.1 thei a ni. Peso Pluma hi top Latin song category-ah a hla pahnih ‘Ella Baila Sola’ (Eslabon Armado nena an thawhhona) leh Yng Lvcas a thawhpuina ‘La Bebe’ te a lang bawk a ni.
Kumin BBMA finalist-ah hian Taylor Swift a langsar ber a, category 20-ah a lang a, Morgan Wallen leh SZA ten dawtin, category 17-ah an lang ve ve a, The Weeknd (16), Drake leh Zach Bryan (14 ve ve), Luke Combs (10), 21 Savage, Metro Boomin leh Miley Cyrus (pakua theuh) leh Ariana Grande, David Guetta, Eslabon Armado, Karol G, New Jeans leh Selena Gomez (panga theuh) te chu a langsar zual an ni bawk.
Billboard Music Awards-ah Peso Pluma perform dawn
Get real time updates directly on you device, subscribe now.
Next Post