Daily Newspaper

Pianzia atanga hrisel dan entirna

144

Exercise lak that a, ei leh in uluk hi hriselna atan a pawimawh hle tih chu kan hre theuh. Mahse, tuna kan sawi tur hi chu i la hre ngai bikin kan ring lo, i awih lo zawk hial maithei, mahse, Times Of India health section-a mithiam te ziah a ni tlat bawk si.

Mithiam te chuan kan kutzungtang sei zawng atangin hriselna lama harsatna kan tawh theih dan leh chumi avanga lo fimkhur lawk theih dan tur a hriat theih niin an sawi a, mahse, a chhan tak erawh an la hre bik lo a ni awm e. Chhiar rawh le:

1.Hmeichhia i nih a, i kutzungchal aiin i zungte u a sei zawk a nih chuan khup (knee) osteoarthritis neih theihna risk i nei sang tihna a ni a, i khup ruh tichak tura exercise i lak that a pawimawh a, a bik takin utawk sawh kan tih ang deuh chi exer i mamawh dawn a ni. I kutzungchal chu i zungte u aiin a sei zawk emaw, a inchen emaw a nih chuan risk lakah i him phawt e.

2. Ke sei zawng pawh a pawimawh tlat mai. I taksa phu lova i ke a tawi a nih chuan, bawp sei thlerh thlawrh te aiin thin (liver) natna neih theihna risk a sang zawk.

3. I ban (arm) sei zawng pawhin entir a nei. I ban chu mar takin sir lamah phar chhuak ve ve la, i zungtang hmawr atanga a hmawr lehlam chu teh la, inches 60 aiin a tawi zawk a nih chuan Alzheimer neih theihna risk a sang. Chutiang chu i nih chuan thluak sawizawi lamah tan i lak a ngai a, guitar perh emaw, lam zir emaw chess khelh emaw te pawh a tha vek.

4. Chawn tawi pawhin entir a nei, i kaihza atanga i keartui chu inches 13 aiin a tawi zawk a nih chuan thluaka thisenzam chat/block (stroke) neih theihna risk a awm a, chuvangin nitin green tea in la, i thau te paih then tum ang che.

5. I bengkawm (ear lobe) hnung lamah vun chuar deuh bik emaw inrin emaw a awm a nih chuan heart attack neih theihna risk i nei tihna a ni a, chuvangin regular takin cardiovascular check-up i mamawh a, i rihna pawh in check uluk ang che.

6. I rim hriatna a that vak loh a, chawhmeh te pawh a rim atanga i hre hrang thei lo a nih chuan parkinson natna neih theihna risk i nei. Chuvangin i thluakin vitamin a mamawh ang te i ei that a ngai dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy