Billboard Women Artists of the 21st Century Chart No.1- Taylor Swift
Kum zabi 21-na kum hmasa lam kum 25-na kan chuangkai ta a, he kum 25 chhung hian Billboard chart hrang hrangah hmeichhe zaithiam ten record an siam nual a, Billboard-in an album chart, Billboard 200 chart leh Billboard Hot 100 (singles) chart-a an chet that dan tehna a hmangin, tun kum zabi 21-na chhunga hmeichhe zaithiam chetha zual 100 an thlang chhuak a, Taylor Swift chu No.1 a ni.
Taylor Swift hian nikum May thla khan a album ‘The Tortured Poets Department’ chu Billboard 200 (albums) chart-a a No.1 rualin, Billboard Hot 100 (singles) chart-a top 14-ah a hla hlir a lang rual thawt bawk a, tum khata Hot 100 chart-a No.1 atanga indawta lang thei hla ngah ber record a siam, a No.1 album 14-na a lo ni ve leh chiah bawk a, hmeichhe zaitiam zinga No.1 album ngah ber niin, hmeichhia chauh ni lo, soloist hrim hrim-ah pawh Jay-Z nen No.1 album ngah ber an ni dun mek bawk.
Taylor Swift hi tleirawl kum 16 mi chauh niin, 2006 khan a hla ‘Tim McGraw’ hmangin Billboard Hot 100 chart-ah a rawn lang ve tan a, tunah chuan Hot 100 chart-a lang thei hrim hrim hla hi chu 100 chuanga nei tawh. Billboard-in Top Women Artists of the 21st Century list January-a an tihchhuahah khan No.1 a lo ni tawh bawk.
Billboard chart-ah hian tun kum zabi 21-naah na na na hi chuan Swift aia chetha zawk hi sawi tur an tam lo ve khawp ang, tour lamah pawh ‘The Eras Tour’ a neih chuan record a siam deuh awn awn mai bawk, Grammy Awards pawh 14 a dawng tling tawh a, Grammy Album of the Year tum li dawng thei hmasa ber a ni bawk.
Billboard Women Artists of the 21st Century Chart Top 10:
1. Taylor Swift
2. Rihanna
3. Beyonce
4. Adele
5. Katy Perry
6. Lady Gaga
7. P!nk
8. Ariana Grande
9. Miley Cyrus
10. Alicia Keys
Billboard Women Artists of the 21st Century Chart No.1- Taylor Swift
Get real time updates directly on you device, subscribe now.
Prev Post