Birmingham-ah Venus eng rei lo

Wilcard entry hmua Wimbledon khel tur Venus Williams chuan London grand slam tour-nament atana inbuat-saihna Birmingham Classic-ah Ningani khan 6-3 5-7 6-3-in second seed Jelena Ostapenko a hneh lo a, third round a thleng zo lo.
American kum 43 mi hian Thawhlehni khan Italy player Camila Giorgi hnehin, kha kha hliam avanga kum hnih dawn a chetchhuah theih loh hnua singles hnehna a chan tumhnih-na niin, Latvian lakah erawh set hnihna a la ve tih loh chu lawmna tur dang a nei lo!
Wimbledon-a vawi-nga champion tawh Ve-nus hian belhkhawma grand slam singles title pasarih a hawn tawh belhchhah tumin a ropui thinna grass-court tour-nament a khel dawn a, warm up tournament-a a dinhmun en chuan champion a huphurh-awm deuh mai thei!
Hmeichhe singles inkhel dangah Russian fourth seed Anastasia Potapova chuan hlauh-awm hmachhawn chung-in American Caty McNally lakah 3-6 6-2 7-6 (7-0) ‘comeback’ hnehna a chang a, nizan khan quarter-final lamah Britain player Harriet Dart nen an insu ve leh nghal.
Poland mi Magda-lena Frech pawhin Romanian Sorana Cirstea lakah 6-3 6-7 (1-7) 6-4 hnehna sual-chhuakin quarter-final lamah Ostapenko a hmachhawn zui ve leh.
French Open cham-pion hlui Barbora Krejcikova chuan a chipui Czech Tereza Martincova lakah 6-4 6-4 hnehna changin quarter-final pakhatah a chipui dangleh, tleirawl kum 18 mi Linda Fruh-virtova a tum.
German Open lam pawh an khel kal ve mek tho a, Wimbledon title humhim tura a inbuatsaih mekna kawngah second seed Elena Rybakina chuan second round a paltlang zo lo a, kum 24 mi hi Berlin khaw inkhelah Croat Donna Vekic chuan (1-7) 6-3 6-4-in a vaw tla.
Nilaini zan khan Kazakh world number three Rybakina hian Russian Polina Kuder-metova a hneh zet a, Berlin khawpuia Wim-bledon warm-up event khelh mekah hian hmeichhe world top-10 player inlan pasarih zinga pakhat ni bawk mah se third rount lut zo loin a tla a, grass chunga match riat chhung a chak zawnna a tawp fel nghal.
Thawhlehni vek khan nikum Wimbledon final-a Rybakina tumpui Ons Jabeur pawhin tlawm chungin Germa-ny ramah a grass-court season bultanna a thlahliam ve bawk.
Hetih lai hian French third seed Caroline Garcia chuan 6-3 6-2-a Australian qualifier Jaimee Fourlis hnehin German Open quarter-final a lut thung.