Tu nge Shah Rukh Khan a hre lo tia a insawi hnu lawkah Assam Chief Minister Himanta Biswa Sarma chuan Bollywood actor hnen atanga phone call a dawn thu sawiin a film thar ber Pathaan, Guwahati cinema hall a chhuah turah tharum thawhna thlen a hlauhthawn thu a hrilh thu a sawi a.
-- Advertisement --
“Bollywood actor Shah Rukh Khan-an vawiin zing dar 2 ah min rawn phone a. A film Guwahati a chhuaha tharumthawhna thlen a hlauhthawnna te a rawn sawi a. Dan leh hrai lekkawh mawhphurhna chu State sorkar mawhphurhna a lawm tiin ka lo hrilh a, thil duhawm lo engmah a thlen loh nan hma kan lak tur thu ka hrilh a ni,” tiin Chief Minister chuan a sawi.
Kar kalta Inrinni khan Sarma hian pyramid ang tak Ahom ho inphumna hmun chu UNESCO World Hetitage Site tag a neih theih nana hma an lak thu a sawinaah jouralist-te zawhna a chhannaah Shah Rukh Khan emaw Pathaan emaw hriat a nei lo tiin a chhang a.
“Tu nge Shah Rukh Khan? Amah emaw a film emaw engmah hriat ka nei lo” tiin Zirtawpnia Bajrang Dal activists tena Guwahati a Narengi area theatre luhchhuahtute lakah hremna an lekkawh dawn em tih an zawhna a chhang a ni.
Right-wing organisation, Vishwa Hindu Parishad ang te chuan he film a hla ‘besharam rang’ ah Deepika Padukone saffron bikini haa a lanna chu duh lovin film hi chhuah loh ni se tiin an ngiat a ni.
“Bollywood mi ten min rawn be fo va. Shah Rukh Khan chuan he thil kaihhnawihah hian min la be ve lo. Min bia se chuan ka enfiah zui mai tur a nia. Dan bawhchhiatna a awm a, case ziah luh a nih chuan hremna lekkawh mai tur a ni,” tiin Sarma chuan a sawi.