BJP min rin ngam avangin
kan lawm – MBJP president
Siaha district-a village council inthlanah BJP-in VC 99 atanga VC 42 an siam thei tih BJP Mizoram president Vanlalhmuaka chuan a sawi a. Siaha district mipuiin BJP-a rinna an nghah ngam avangin lawmawm an tih thu a sawi.
Nilainia an party office-a inkhawmah BJP Mizoram State president chuan BJP sawrkar thatna Mizoramah kan hmu mek zel, tiin, Autonomous District Council huamchhung bakah Mizoram hmun dangah pawh BJP thatna an hmuh avangin member an pung zel tih a sawi. “Kan din chhan ang takin Mizo ram leh hnam, kan sakhua humhim a, mirethei chawikan hi kan tum ber a ni a; Mizoram mipui, retheihna bawiha tang mekte chhanchhuah hi kan hnathawh mek leh hnathawh zel tur a ni,” a ti.
Siaha district-ah inthlan hmasa nena tehkhin phei chuan BJP-in nasa takin hma a sawn a, MLA inthlanpuiah pawh result tha tak an neih ngei a ring tih a sawi a ni.
“Mizoram pumin BJP kaltlanga mimalah chhungkuaah khawtlangah development kan chanvo kan chan tur kan chen ngei theihna’n BJP sawrkar hi kan mamawh ber a. Party dang sak ve theih loh hla mawi, development hi BJP chuan kan sa mek a ni,” Vanlalhmuaka chuan a ti.
BJP min rin ngam avangin kan lawm – MBJP president
Get real time updates directly on you device, subscribe now.
Prev Post