BJP MLA-in Kristian Missionary School a fate luhtir lo turin ngenna siam

Mangaluru City North MLA Y. Bharat Shetty chuan tun hun hi nu leh pa ten an fate Christian missionary te enkawl school a an luhtir tawh loh hun a ni tiin a sawi a, heng Christian missionary te school hian ‘hindus te rilru an ti na a ni’ tiin a sawi a. A thusawi hi Democratic Youth Federation of India (DYFI) te chuan an sawiselna hle thung.
MLA chuan St. Gerosa English Medium Higher Primary School, Jeppu, Mangaluru a zirtirtu chetdan chu a dem thu a sawi a. Zirtirtu nu chuan classroom chhungah Ram chungchang mawilo takin a sawi a ni a ti a. School chuan zirtirtu chu an suspend nghal thu an sawi thung.
Dr. Shetty chuan Christian missionary te enkawl school te chu ‘Anti-Hindu’ an ni a ti a. Mangaluru a Krishnapura a school pakhat pawhin tun hnaiah zirlai te ‘rakhis’ an hlihtir a ti a, Missionary school te chuan Hindu zirlai hmeichhe naupang tena bangles an awrh te, tilak te an phalsak lo a ti bawk a. “Tunah Ram Mandir conspiracy an kalpui leh mek a ni” tiin a sawi bawk.
Nu leh pa te chuan an fate chu Hindu tradition zah leh ‘anti-Hindu school’ ni loah an fate luhtir dan ngaihtuah rawh se tiin a sawi bawk a.
Hetihlai hian Muneer Katipalla, State president, DYFI chun Dr. Shetty chuan communal agenda kaihhnawih bak ngaihven a nei lo tiin a chhang let thugn a. “MLA thusawi duh dan hi anti-Constitutional leh criminal a ni” tiin Kapatilla chuan sawiin, “School leh college engzah nge Hindus te tan Dr. Shetty hian a hawn tawh” tiin a sawi bawk.
Katipalla chuan MLA chuan fee sang tak tak leh donation sang tak tak phutna private school te chu zirlai ten pan vek se a duh em ni a ti bawk a.
“MLA hian a thusawi duhdan hmang hian society thenhran a tum a ni. Mipuite an fing a, an hrethiam vek” tiin a sawi.