BJP ten State pathum Chief Minister tur thlang chhuak fel

A ruk thei ang bera kar khat chhunga inremna siam a nih hnuah BJP te chuan ruahmanna siam fel tawhin Chhattisgarh Chief Minister thar atan Vishnu Deo Sai an ruat a. A thenawm Madhya Pradesh Chief Minister thar atan Mohan Yadav an thlang bawk a. An pahnih hian chief minister atana a nawlpuiin an rin loh niin mahse BJP tena nakum Lok Sabha inthlan atana caste/class arithmetic master plan an siam tihhlawhtlinna a ni thung.
Entir nan, Chhattisgarh-ah chuan mipui 32 per cent zet chu tribal an ni a, hei vang hian BJP te chan tribal leader an thlang mai a ni. BJP te chuan duh se chuan OBC emaw pawh an thlang thei a, mahse, tribal an tam ber avangin an thlang ta zawk a ni ber.
Madhya Pradesh-ah pawh fing taka ruahmanan siamin Deputy Chief Minister pahnih bakah Speaker chair thlengin community hrang hrangte tihlawm nan leh aiawh an neih veka kum 2024 inthlanpui hisapin ruahmanna an siam a.
Hindi heartland state-ah hian Chief Minister atan adav community (OBC) an thlang a, Dalit (Jagdish Devda) leh Brahmin (Rajendra Shukla) te chu deputy-ah an dah a, Thakur (ex-Union Minister Narendra Singh Tomar) chief minister ni tura rinkai chu Assembly Speaker-ah an dah thung.
BJP te hian an chief minister leh minister thlan te chu inthlana pawimawhna nei thei tur an ni thin tih chu thil thar a ni lo, chutih rual chuan non-Hindus leh hmeichhiate chu an enkan zui zel thung a.
Bharatiya Janata Party tena Chhattisgarh leh Madhya Pradesh a ruahmanna an siam hi state-centric castes/class arithmetic mai a ni lo, community leh castes hrang hrang te inzar pharh dan mila an hmalakna a ni bawk.
Chhattisgarh
BJP ten state-a tribal belt Surguja leh Bastar a seat 26 awma 22 an lak hnuah BJP te chuan Chief Minister atan tribal dah a ngai tih an chiang nghal a, chuvangin Sai chu an thlang mai a ni.
Prime Minister Modi a campaign nasa bawk a, state tribal heritage chu fak chiamin amah ngei pawh midang te rawngbawlsak tura piang a nih thu te sawiin President Droupadi Murmu chu vote zawn nan a lam zing bawk.
BJP tena Chief Minister atan Vishnu Sai an thlang hi tribal voters te an hipna tur piah lamah kum 2024 Lok Sabha inthlan atana cross-border campaign atana an inpuahchahna a ni nghal bawk a ni.
Chhattisgarh thenawm Madhya Pradesh leh Jharkhand chuan tribal an nei teuh ve ve a, mipui atanga 22 leh 26 per cent vel lai an nei a ni. A thenawm tho Odisha President Murmu chhuahnaah pawh tribal vote 23 per cent lawih a awm bawk.
Chief Minister atana Sai thlan chuan BJP te chuan kum 2024 poll hmain tribal-friendly face an phochhuak dawn tihna a ni bawk a. Heng State pali a tribal tamna hmunah Lok Sabha seat 74 lawih a awm a, chung zinga 20 phei chu tribal community tana reserve a ni bawk.

Madhya Pradesh
BJP te chuan theihtawpin tribal vote hui tumin hma an la a, an hlawhtlinpui hle reng a. ST candidate te tana reserve Assembly seat 47 awmah 24 an la a ni.
Deputy Chief Minister atana tribal Jagdish Devda an thlang a. Deputy chief minister dangah Brahmin mi an thlang bawk a, a chhan ber pawh upper caste vote chu an la hui zui zel a ngaih avangin tihlawm an ngai a ni.
Tribal community a hlawhtlinna avangin Yadav chu Madhya Pradesh Chief Minister a ni dawn a, he mi hmang hian BJP te chuan nakum Lok Sabha inthlanah MP 120 lawih awm theihna Uttar Pradesh leh Bihar chu an thlurbing dawn bawk.
Heng state pahnih hi Hindi heartland tih niin heng state pahnih a BJP te an chak fal hle a nih chuan opposition te tana Modi a third term dan theihna a zim hle ang.
Madhya Pradesh Chief Minister atana Yadav ruat chuan eng nge awmzia a neih ang? Central state-ah Yadav te hian population pum atangin 6 per cent an hauh a. Bihar-ah thung chuan OBC group lian ber niin 14 per cent an hauh a, UP-ah population atanga 10 per cent an hauh bawk.
Madhya Pradesh a Chief Minister atana Yadav dah hian Yadav community te tihchak leh duhsakna tiin heng state pawimawh pathum Parliament-a MP 149 lai thawh-ah te hian a awm thei dawn a ni.
Chumai bakah oppositiona awm Yadav te beihna a ni bawk a. UP a Samajwadi Party hotu Akhilesh Yadav leh Bihar a Rashtriya Janata Dal hotu Tejashwi Yadav te beihna a ni tel bawk.

Rajasthan
Thla kaltaa BJP tena state pathuma chakna an chanah Rajasthan chauh chief minister an la tih fel loh a ni a. Hei pawh hi an tifel thuai tura ngaih niin chutah pawh kum 2024 Lok Sabha inthlan hisap ranin thutlukna an siam leh dawn a ni.
Cheif Minister atana rinkai ber chu Scindia royal family thlah kalzel tum hnih chief minister ni tawh Vasundhara Raje a ni a, local BJP leader te duhrawn leh mipuite pawhin an pawm leh duh a ni.
Mahse Madhya Pradesh leh Chhattisgarh-ah Shivraj Singh Chouhan leh Raman Singh te an hnawl tawh si avangin Rajasthan chuan mithar chief minister-ah a nei thei tho.
Hming hrang hrang sawi a awm a, Raje bakah Union Law Minister Arjun Ram Meghwal te an lang sar a, criteria pahnih awm chu upper class Rajput nge hmeichhia tih a ni. Chutih laiin Diya Kumari, Jaipur royal family thlah kal zel a zawna inthlan tum thum chak tawh leh mipuite pawhin an ngainat leh inngaitlawm tak chu chief minister atan an ruat daih thei tho bawk an tih laiin BJP hotute chuan MLA a tum khat nihna Bharatpur district chhuak Bhajan Lal Sharma chu Chief Minister atan an ruat daih a. Deputy Chief Miniter pahnih Diya Kumari leh Prem Chand Bairwa te an ruat bawk.