NBC competition series hlawhtling zet mai The Voice-ah a tir atangin coach a ni nghal a, season 24-na atang chuan The Voice coach thuthleng sen-a thut chhunzawm a tum tawh lo va, “COVID hunlai khan duhtawk a hun tawh viauin ka hria a, mahse, COVID avang khan han chawlhsan kha fuh loin ka hre leh bawk si a, midang zawng zawng kalsan a show han bansan kha ka duh lo. Ka ti tak tak, he show hi ka nun thlak danglamtu a ni. Khawvelah nunphung pangngai kan zawm leh theih thleng chu ka awm ang, ka ti ta a ni,” a ti.
Blake, kum 46, hi The Voice season thar, season 23-naah coach a la ni dawn a, Kelly Clarkson leh new comer Niall Horan leh Chance the Rapper te nen an thu ho dawn a, season 23 a tawp rualin Blake pawhin the Voice a chawlhsan ve tawh dawn a ni.
Blake Shelton hi The Voice history-a winner chher chhuak tam tawh ber niin, a hnuai atangin mi pakuain The Voice title an dawng tawh a, ani hi The Voice coach hlawhtling ber a la ni. Hei bakah hian tuna a nupui Gwen Stafani nen hian The Voice coach an nih dunna atanga intawng an ni bawk a, Blake chuan, “He show hi ka nupui ka tawnna show a ni a, ka nun zawng zawng thlak danglam vektu a ni. He show-a coach anga ka tel ve tan khan ka nun a inthlak hlawk a ni ber mai, chu pawh a tha zawngin. A nuamin a ropui a, mahse, inhriat angin a hun a thleng ve ta a ni. Hmalam pan a hun ta,” a ti.
Blake Shelton-a’n The Voice chawlhsan a duhna chhan a sawi
Get real time updates directly on you device, subscribe now.
Prev Post