Blood Donation Day pual hmang

Blood Centre Serchhip leh Association for Voluntary Blood Donation Serchhip District buatsaihin National Voluntary Blood Donation Day 2024 pualin Inrinni khan hun hman a ni.
Thupui then hrang hrang pathum – AVBD Serchhip president Zonunsanga Kawlni chuan blood donation tangkaina leh pawimawhna a sawi a. Blood bank officer Dr Lalnunhlima’n HIV/AIDS chungchang a sawi a; AVBD Serchhip T Biakchamliana’n zirlaite nunkawng dik inzirtirna thu a sawi a. Serchhip District Hospital deputy medical superintendent Dr ZD Lalmuanawma’n an Blood Bank dinhmun leh hnathawh dan a sawi a ni.
Kumn chhungin Serchhip District Hospital Blood Bank leh AVBD Serchhip buaisaihin blood donation camp tum 31 neih a ni tawh a, thisen unit 723 pek niin, mimal thisen pe atangin unit 70 hmuh a ni tawh bawk.
He hunah hian Govt Higher Secondary School Serchhip zirlaite an tel a. Programme hman zawh hian Serchhip Hospital Blood Bank-ah a mamawh apiangte hman turin thisen unit 11 an pe nghal a ni.