Blood sugar level tihniam thei umei

Blood sugar level tihniam thei umei
Lauki an ti a, bottle gourd an ti bawk a, keinin umei kan ti, regular taka eiin blood sugar level a tihniam thei a, type 2 diabetes risk a tihniam thei niin Times of India health section-in an tarlang.
Umei hi 92% chu tui (water) a ni a, a dang zawng chu fibre a ni. CSIR- Indian Institute of Chemical Technology (IICT) mithiam ten zirchianna an neih atanga an hmuh danin thlai tui (vegetable juice) thenkhatah hian type 2 diabetes nena inzawmna nei leh mi tithau theitu enzyme a awm a, mahse, umei hi chuan insulin sensitivity a tihniam zawk a ni.
Type 2 diabetes chu zunthlum common ber a ni a, ei leh in fimkhur loh vang te, awm awl lutuk leh khawsak phung hrisel lo avang tein a nei theih a, khawvela a kum telin type 2 diabetes nei an pung a, World Health Organisation (WHO)-in an chhut dan phei chuan 2025-ah chuan diabetes patient hi 170%-in khawvelah an pung dawn a ni.
Umei hian diabetes risk a tihhniam mai piah lamah taksa hriselna atana thatna dang pawh a ngah mai-
* Taksa temperature vawng dai thei a nih avangin khaw lum laia ei tam a tha. Nutrient pawimawh, taksa vawng dai theitu a nei a, arngeng nei te tan pawh damdawi tha tak a ni.
* Zunkawng lam fel lo tan umei tui sawr in a tha.
* Acidity tan pawh a tha. Puma thur chhuak tam avanga buai thin i nih chuan umei hi ei tam rawh, fibre a pai hnem a, acid nutralise theitu alkaline a pai hnem bawk.
* Sam tan pawh chaw tha a ni a, lutuak hma tur a veng thei.
* Umei-ah hian choline a tam a, chu chu thluak hnathawh tichak theitu, min tihlim theitu a ni a, stress leh depression nasa tan pawh a tha hle.