Khawvela kephah hlai berin pheikhawk eng size nge a bun?

Khawvela kephah hlai berin pheikhawk eng size nge a bun?
Khawvela kephah lian ber chu Venezuela tlangval kum 22 mi, Jeison Orlando Rodriguez Hernandez a ni a, a pheikhawk bun tawk lei tur a hmu ve thin lo a, company lamin a bik taka an siam sak a ngai thin. Basketball player a ni a, mahse, pheikhawkah a buai thin.
Hernandez-a kephah hi a dinglam chu 40.55 cm (feer 1.33) a sei niin, a veilam chu 40.47 cm (feet 1.32) a sei a ni ve thung a, a pheikhawk bun pawh a lian khawp mai, khawvela pheikhawk bun lian ber a ni a, US size 26 a bun hem mai. Khawvela pasang ber Sultan Kosen, feet 8 leh inches 3 a sang ai pawhin Hernandez-a kephah hi a lian zawk a ni.
Khawvela pheikhawk siam company hrang hrang te hian pheikhawk size 26 hi an siam ngai lo, a tlangpui thuin size 13-14 aia lian an siam meuh lo. Chuvangin Hernandez hian pheikhawk thar a mamawh chang chuan a buaithlak ta thin a, pheikhawk siamthiam German lam mi, Georg Wessel-a’n a siam sak deuh ber a, ani hian Sultan Kosen-a pheikhawk pawh a siam sak thin a ni.
Hernandez hi tuna mihring damlai zinga kephah lian ber a ni nain, chhinchhiah theih china khawvela mihring piang tawh zinga kephah lian ber erawh a ni chuang lo. Piang tawh zinga kephah lian ber chu Robert Wadlow niin, ani hian pheikhawk size 37AA a bun a, a kephah pawh inches 18.5 a lian a ni. Wadlow hi American niin, feet 8 leh inches 11 a sang a ni a, 1918-ah piangin, 1940-ah a thi.