Bon Jovi hla hit ‘Livin’ On a Prayer’ music video chuan YouTube-ah vawi tluklehdingawn en a hlawh ve ta. He video hi 1987-a Grand Olympic Auditorium, Los Angeles-ah a siam a ni a, 1986-a an larchhuahna album ‘Slippery When Wet’ atanga an single pahnihna a ni.
-- Advertisement --
He album atang hian Billboard Hot 100 (singles) chart-a No.1 kai thei hla pahnih an nei a ‘Livin’ On a Prayer’ chu a pahnihna niin, a hmain he album-a hla tho ‘You Give Love a Bad Name’ a lo No.1 tawh bawk.
Kum 2010 hmalama music video te kha streaming-ah tunhnaia zaithiam te video nena khaikhin theih a ni lo va, an hunlaiin tun angin internet te mi nazawngin kan la hmang thei lo va, YouTube te phei hi an hmelhriatna pawh a la rei lo, chutiang karah vawi tluklehdingawn en hlawh thei music video an nei thei thin hi a ropui viau a ni.
Bon Jovi pawh hi an vanglaia khawvel al chhuak hneh viau kha ni mah se YouTube-a vawi tluklehdingawn en hlawh thei music video i pahnih chiah an la nei a, ‘Livin’ On a Prayer’ hi a pahnihna niin, a hmasa zawk 2000-a an tihchhuah ‘It’s My Life’ kha a ni.