Zokhawthar, Kawrpuichhuah leh Zorinpuia border trade kalpui tum chu a puitlin hunah Mizoramin nasa takin a hlawkpui dawn tih Commerce minister Dr R Lalthangliana chuan a sawi.
Zirtawpnia Lawngtlai Western North & South Block MNF Joint Conference, Diltlanga neih a hmanpuinaah MNF adviser ni bawk Dr R Lalthangliana chuan India ramah Integrated Border Check Post quota 20 vel awmah Zorinpui thlan a ni a. Khawchhak lamah Zokhawtharah lian taka border trade kalpui tum bakah Lunglei district Kawrpuichhuahah pawh kalpui tumin ruahmanna siam a ni bawk tih sawiin, “Mizoram hian reiloteah border trade hi nasa takin a hlawkpui dawn a. Kan kuthnathawktute thlai thar awlsam zawkin kan thawnchhuak zur zur thei tawh turah kan ngai,” a ti.
Mizoramin rei tak chhung district pathum an neih hnu ah Congress sawrkarin a thu in district 5-an term tawp tepah puangin, engmah an ti hman loa, kum 1998-a MNF sawrkar chu a taka tihlawhtlingtu a ni ta tih a sawi. Kum 2008-ah MNF-in Hnahthial, Kawzawl leh Saitual an puang ve a, Congress sawrkarin kut pakhatmah an thlak loa; tuna an sawrkar leh hnu ah an sawrkar atanga thla 8 chiah chiahah an tihlawhtling tih a sawi. “Mizoram district 11 awma district 8 hi MNF kutchhuak a ni,” a ti.
Border trade hlawkpui dawn – Commerce minister
Get real time updates directly on you device, subscribe now.
Prev Post
Next Post