Bottle-a vawmhlum Palmeiras fan nula Gabi!

Brazilian football chuan Sao Paulo khawpuia Allianz Parque stadium pawna darthlalang sai-dawiuma an vawmhlum tak Palmeiras fan Gabriela Anelli-i a sun.
Karliamta Inrinni khan Allianz Parque pawna Palmeiras leh Flamengo fans intihbuaina chhuak-ah Gabriela Anelli hi glass bottle thlawkin fuh palhin, a nghawngah hliam a tuar a, damdawi ina enkawl a nih hnu nihnihnaah a thi zui ta a ni.
Tunkara Brazil top flight game hrang hrang an khelh hunah kum 23 mi Anelli sunna hun hi hman a ni dawn a, minute khat chhung stadium tinah ngawi renga din a ni ang.
Anelli unaupa chuan a farnu tana tawngtaisaktute chunga lawmthu sawi chungin, “Tunah chuan Pa angchhunga nung turin vanramah a kal ta,” a ti.
Brazilian Football Con-federation (CBF) president Ednaldo Rodrigues chuan football behchhana sualna titawp turin federal govern-ment leh thuneitu dangte a thawhpui tih sawi chungin khatiang thil lungchhiat-thlak a thlen nawn tawh lohna’n theihtawp a chhuah tih a sawi.
Rodrigues hian Bra-zilian championship round 15-na an khelh laiin game tinah Anelli sunna leh chawimawina atan minute khat chhung ngawi renga an din tur thu puangin, “Football hi hmangaihna a ni a, fans tharum thawhna leh suahsualnain hmun a chang lo,” a ti.
Palmeiras leh Flamen-go fans intihbuai lai khan police-te pawh glass bottle hmanga beih an ni a, venghimtute hian mipui hnawhdarhna’n hmarcha dip (pepper spray) an hmang hial a ni.
Pawn lama police-te hmarcha dip phuhchhuah chuan stadium chhung pawh tibuaiin, player-te mit a thip a, an hnar a za a, first half chhungin referee chuan tum hnih ngawt inkhel a tihtawp phah!
Arsenal Brazilian stri-ker Gabriel Jesus chu Anelli suntu langsar zingah telin, Palmeiras fan thih ni kha Brazilian football tan ni lungchhiat-thlak a nih thu a sawi.
Twitter kaltlangin Je-sus a tawngchhuak a, “Gabi kha kum 23 mi lek a la ni a, hmalam huna nun tam la nei tur niin, a chhungte Pathianin thla-muan se la, he thihna hi inenletna’n hmang ila, he ram football-a tharum thawhna chhuak thin titawp tur hian inlungrual mawlh teh ang u,” a ti.
Palmeiras pawhin A-nelli chhungte tawrhpui-na tichhuak nghal chungin, pawisak nei loa sapatalna tuartua nula kum 23 mi lek a tang kha an pawm theih loh thu an tarlang tel.
Flamengo pawhin twi-tter kaltlangin pawi an tih thu an tarchhuak a, rawng taka nula la naupang tak tihlumtute chuan an phu tawk hremna pek ngei an phu tih an sawi ve bawk.
Thawhtanni khan po-lice thupuangtu chuan saidawium vawmtu an man tawh thu leh tum reng vanga tualthah thubuai an awrhtir tur thu a puang.