Marvel Studios film tlangzarh thar Ant-Man film patumna ‘Ant-Man nad the Wasp: Quantumania’ chuan tun weekend kalta khan North America-ah cinema hall ticket hralhna atangin dollar maktaduai 118 a lalut a, box office No.1 a ni a, US pawnah dollar maktaduai 121.3 lalut bawkin, tihian opening weekend-a a khawvel huapa a sum lakluh chu dollar maktaduai 238.3 a tling.
Ant-Man film hmasa ber khan opening weekend-ah US-ah dollar maktaduai 57.2 lalutin, tunah chuan khawvel huapin dollar maktaduai 519 a lalut tling tawh a, a film hmasa ber an tlangzar atanga kum thum hnuah a chhunzawmna ‘Ant-Man and the Wasp’ an tlangzarh leh a, opening weekend-ah US-ah dollar maktaduai 75.8 lalutin, tunah chuan khawvel huapin dollar maktaduai 622.7 a lalut tling tawh bawk.
Ant-Man film pathum te i Peyton Reed-a direct vek niin, Paul Rudd chu Ant-Man lemah a chang vek a, Evangeline Lilly Wasp lemah a chang a, Michael Douglas, Michelle Pfeiffer, Jonathan Majors, Kathryn Newton, Bill Murray, Katy O’Brian, William Jackson Harper, James Cutler leh David Dastmalchian te pawh an inlan.
‘Avatar: The Way of Water’-in dollar maktaduai 6.1 lalut lehin No.2 a la ni a, he film hian cinema hall ticket hralhna atanga sum lakluh tamah Titanic lehpelin, khawvela film sum lalut tam pathumna a ni tawh.
Kar kalta North American box office No.1 ‘Magic Mike’s Last Dance’-in dollar maktaduai 5.4 lalut lehin No.3-ah a tawlh a, US pawnah dollar maktaduai 6.3 lalut bawkin, tihian kar hnih chhungin dollar maktaduai 39 a lalut tling ta.
Puss in Boots: The Last Wish-in dollar maktaduai 4.5 lalut lehin No.4 a la ni a, he film hian kar li chhungin khawvel huapin dollar maktaduai 420 a lalut tling tawh bawk.
Box office-ah ‘Ant-Man and the Wasp: Quantumania’ a No.1
Get real time updates directly on you device, subscribe now.
Prev Post
Next Post