Box office-ah ‘Dog Man’ a bauh ring ber

Box office-ah ‘Dog Man’ a bauh ring ber
Animated film ‘Dog Man’ chuan tun weekend kalta khan US-ah cinema hall ticket hralhna atangin dollar maktaduai 36 la lutin, US box office No.1 a ni a, US pawna a lak luh nen chuan dollar maktaduai 40.2 a tling. US bika hian January thlaa film tlangzarh zingah opening weekend-a sum la lut tam ber dawttu a la ni a, January 2016 a tlangzarh ‘Kung Fu Panda 3’ (dollar maktaduai 41.28) chiah a pha lo.
‘Dog Man’ hi police ui a pu tana rinawm tak leh a enkawltu police officer ten an hna thilah hliampui an tuar dun a, an nun chhan nan ui leh mihring chu an zawm ta a, tichuan mite tanpui tura Dog Man a lo pian tak dan vel tarlanna a ni.
He film hi Peter Hastings direct niin, ani hian Dog Man tan a aw a thawh nghal a, Pete Davidson, Lil Rel Howery, Isla Fisher, Poppy Liu, Stephen Root le Billy Boyd te pawhin an aw an tawh.
Sci-fi horror movie, ramhnuaia cabin pakhata weekend hmang ten thil hlauhawm tak an tawn tarlanna film tlangzarh thar ‘Companion’-in dollar maktaduai 9.3 la lutin No.2 a ni a, US pawna dollar maktaduai 5.7 la lut bawkin, opening weekend-ah dollar maktaduai 15 a la lut thei. He film hi dollar maktaduai 10 vel senga siam a ni a, Sophie Thatcher leh Jack Quaid te channa a ni.
US Box Office Top 10:
1 Dog Man $36,001,940
2 Companion $9,300,113
3 Mufasa: The Lion King $6,301,562
4 One of Them Days $5,880,886
5 Flight Risk $5,434,783
6 Sonic the Hedgehog 3 $3,257,492
7 Moana 2 $2,862,145
8 A Complete Unknown $2,309,758
9 The Brutalist $1,865,690
10 Den of Thieves 2: Pantera $1,598,069