Travis Scott ‘4X4’ Hot 100 No.1-ah a debut

Travis Scott ‘4X4’ Hot 100 No.1-ah a debut
Travis Scott hla thar ‘4X4’ chu kar khat chhunga US-a hla lar ber niin, Billboard Hot 100 chart No.1-ah a debut a, he chart a hla No.1 kai thei palina a ni. A hla dang “Franchise,” featuring Young Thug & M.I.A. (October 2020); “The Scotts,” The Scotts, Travis Scott & Kid Cudi (May 2020); “Highest in the Room” (October 2019); leh “Sicko Mode” (December 2018) te pawh No.1 a lo kaipui tawh a, ‘Sicko Mode’ tih loh hi chu chart No.1-a debut (chart ranking-a an lan theihna hmasa bera No.1 ni nghal) vek an ni a, ‘Sicko Mode’ hi chu No.4-ah debut-in a hnuah No.1 a kai leh ta a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre U.S. streaming (official audio leh official video), radio airplay leh sales data te chu tehna pawimawh a ni.
‘4X4’ hi streaming maktaduai 16.2, radio airplay maktaduai 2.9 leh sales 1,67,000 tlingin No.1-ah a debut a, Hot 100 chart history, kum 66 chhunga No.1 1,178-na niin, he chart No.1 a debut thei hla 82-na a ni bawk.
He chart-a kar li No.1 ni taw Lady Gaga leh Bruno Mars ‘Die With a Smile’ chu No.1 atangin No.2-ah a tawlh a, ROSE leh Bruno Mars ‘APT.’ chu No.3-ah bawk a la awm a, Kendrick Lamar leh SZA ‘Luther’ chu No.5 atangin No.4 a kai thar leh ta bawk.
Kar 19 chart No.1 ni a, he chart-a No.1 ni rei thei ber record nihrualtu Shaboozey ‘A Bar Song (Tipsy)’ chu No.4 atangin No.5-ah a tawlh a, chart No.1 hlui Teddy Swims ‘Lose Control’ chu No.7 atangin No.6-ah a insawn thar leh a, he hla hi chart-ah kar 76 a lang tling ta a, Hot 100 chart-a lan rei-ah parukna a ni.
Billie Eilish ‘Birds of a Feather’ chu No.6 atangin No.7-ah a tawlh a, Bad Bunny ‘DtMF’ chu No.2 atangin No.8-ah a tawlh a, Gracie Abrams ‘That’s So True’ chu No.8 atangin No.9-ah a tawlh a, chart No.1 hlui Morgan Wallen ‘Love Somebody’ chu No.10-ah bawk a la awm.