‘Knock at the Cabin’ chuan North American box office-ah Avatar rorelna titawpin, tun weekend kalta khan North America-ah cinema hall ticket hralhna atangin dollar maktaduai 14.2 lalutin, No.1-ah a debut a, ‘Avatar: The Way of Water’ a luahlan ta.
-- Advertisement --
M. Nigh Shyamalan direct ‘Knock at the Cabin’ hi suahsual rawngbawl pawl pakhatin hmeichhe naupang pakhat leh a chhungte an man, khawvel tawpna lo thleng tur tidanglam tura duhthlakna khirh khan tak mai an thlan tir te chanchin tarlanna a ni a, Dave Bautista, Jonathan Groff, Ben Aldridge, Nikki Amuka-Bird, Kristen Cui, Abby Quinn leh Rupert Grint te channa a ni.
Knock at the Cabin hian US pawn lamah dollar maktaduai 7 lalut bawkin, tihian opening weekend-a a lakluh zawng zawng chu dollar maktaduai 21.2 a tling ta a ni. Film tlangzarh thar bawk 80 for Brady chuan dollar maktaduai 12.5 lalutin No.2 a ni a, he comedy hi Lily Tomlin, Jane Fonda, Lily Tomlin leh Sally Field te channa niin, thian rual khat New England Patriot quarterbak Tom Brady hmu chak te chanchin vel tarlanna a ni a, kum upa lamin an lawm zual a, ticket leity 80% dawn chu kum 35 chunglam an ni.
Box office No.1 kar sarih ni tawh Avatar: The Way of Water-in dollar maktaduai 10.8 lalut lehin No.1 atangin No.3-ah a tawlh a, he film hian khawvel huapin ticket hralhna atangin dollar tluklehdingawn 2.174 a lalut tling tawh a, dollar tluklehdingawn 2.194 lalut thei Titanic lehpelin film tlangzarh tawh zinga sum lakluh tama pathumna a nih theih an beisei. Film tlangzarh tawh zinga sum lalut hnem ber chu Avatar original film niin, a dawttu chu ‘Avengers: Endgame’ a ni.
Box office Top 10:
1.) Knock at the Cabin $14.2M
2.) 80 for Brady $12.5M
3.) Avatar: The Way of Water $10.8M
4.) Puss in Boots: Last Wish $7.95M
5.) BTS: Yet to Come in Cinemas $6.3M
6.) A Man Called Otto $4.1M
7.) M3GAN $3.8M
8.) Missing $3.7M
9.) Chosen Season 3 $3.64M
10.) Pathaan $2.7M