Migraine enkawl dan

Migraine enkawl dan

Lu na chikhat, migraine hi thluaka thisenzam fel koh vanga nerve vungin a thlen thin niin an sawi.
Kan ramah migraine vanga buai kan tam ve ta hle a, a na a chhuah tawh chuan a hrehawm thin hle a ni. A lu a na ngut ngut a, zng an ngaithei lova (photophobia) luak chhuakin a zui thin.

Migraine chungchanga hriat tur pawimawh nia Dr Praveen Gupta, Artemis Health Institute, Gurgaon-a Neurology Consultant-in a sawi, Times Of India-in a tarlan te kan rawn chhawpchhuak ve e.

1. Migraine nei te chuan doctor-in a chawh damdawi te regular taka ei tur a ni.

2. Migraine nei te chu boruak lum vawt inthlak thut thutna hmunah awm tam loh tur a ni.

3. Miten a tha, an tih ang te hmanga inenkawl ve ngawt loh tur.

4. Migraine hi a chang chuan thihpui ve theih a nih vangin damdawi lam thiam te rawn ngei tur a ni.

5. Migraine nei chu darkar 6-8 tal tui taka muthlih tum thin tur a ni.

6. Yoga, meditation, morning walk te pawh a tha a, nitin regular taka exercise lak thin tur a ni.

7. Nun phung hrisel lo- chaw nghei mai mai te, a huna chaw ei loh te migraines hi a siam thei a, migraine patient chuan chaw nghei loh tur a ni a, thau leh mawm tamna chi ei tam loh tur a ni.

8. Perfumes rimna chi hman loh tur a ni.

9. Ni sa lutuk hnuaiah awm tam loh tur, ni sa hnuaia kal dawn pawhin nihliap leh sunglass te hman a tha.
10.Nachhawkna rei tak hman loh tur.

11. Migraine na a lo chhuahin mithenkhat tan chuan paracetamol leh aspirin ten a chhawk rang, mahse, naupang kum 16 hnuailam tan aspirin hi ei loh tur a ni. A na a rawn chhuak dawn tih hriat veleh a rang thei ang bera nachhawkna ei tur a ni a, chu a na lutuk tur a veng thei a, na a chhawk hmak thei bawk. A nat viau tawh hnua nachhawkna ei chuan eizia a nei thin mang lo.