Box office-ah ‘Mufasa: The Lion King’ a la rum ring ber

Box office-ah ‘Mufasa: The Lion King’ a la rum ring ber
‘Mufasa: The Lion King’ chuan tun weekend kalta khan North America-ah cinema hall ticket hralhna atangin dollar maktaduai 15.5 la lut lehin box office No.1 a ni a, an tlangzarh atanga karnaah a la No.1 thei. He film hian US-ah cinema hall ticket hralhna atangin dollar maktaduai 210 a la lut tling ta a, tun kum 15 chhunga opening weekend-a dollar maktaduai 40 la lut pha lo zinga US-a dollar maktaduai 200 chin la lut thei awm chhun a la ni.
Mihang hmeichhe lam lansarhna film ‘One of Them Days’-in opening weekend-ah US-ah dollar maktaduai 14 la lutin, No.2-ah a debut a, January ni 20 khan US-ah Martin Luther King Jr. Day niin, chawlh a ni a, hei vang hian mihang film lam pawh hralh a kal lehzual a nih hmel e.
‘One of Them Days’ hi mihang hmeichhe lar pahnih Keke Palmer leh SZA te channa niin, SZA hi a film chan vawi khatna a ni. |hian panhih chet fuh lo ni vel tarlanna niin, Lawrence Lamont direct niin, ani pawhin a film direct vawi khatna a ni ve bawk.
Film tlangzarh thar ‘Wolf Man’-in dollar maktaduai 12 la lutin, No.3 a ni a, Christopher Abbott channa niin, San Francisco pa pakhat, a nupui (Julia Garner) leh a fate an naupan laia an chenna in hmun fal taka kalpuiin thil hlauawm tak tak an hmachhawn dan vel tarlanna a ni.
Sonic the Hedgehog 3-in a weekend vawi nganaa dollar maktaduai 11 la lut lehin NO.4 a la ni a, he film hian US-ah dollar maktaduai 218.9 la lut tawhin, US pawna a lak luh nen chuan dollar maktaduai 422.4 a tling ve tawh.
Den of Thieves 2: Pantera-in dollar maktaduai 7.8 la lut lehin No.5 a ni a, he film hian kar hnih chhungin US-ah dollar maktaduai 26.2 a la lut ve tawh bawk.
Box office top 10 ($ a maktaduai biin):
1 Mufasa: The Lion King $15.5
2 One of Them Days $14
3 Wolf Man $12
4 Sonic the Hedgehog 3 $11
5 Den of Thieves 2: Pantera $7.8
6 Moana 2 Walt $6.06
7 Nosferatu $4.3
8 A Complete Unknown $3.8
9 Wicked $3.5
10 Babygirl $2.02