Minute khata inhruizuan hnem ber

Minute khata inhruizuan hnem ber
Inhruaizuanah minute khata vawi engzat nge i zuan hman? Changji University, China a a zirlai Alapati, kum 23, chu an university gymnasium-ah record siam tumin a inhruizuan a, zirlai tam takin an thlir thup laiin minute khata vawi 388 a inrhuizuan man a, Guinness World Records a siam.
Alapati hian middle school a kal lai atangin inhruizuan a tuipui tan a, an school jump rope club zawm vein, school banah awm hnufualin inrhuizuan te an zir thina,”Ka inhruizuanna hrui ka vai lai hi chuan khawvel hi a reh dukin ka hre thin,” a ti.
College a kal laiin Changji University-aj sports major lain, an college jump rope team-ah a tel a, hetah hian awmze nei takin an coach Chen Bingjie kaihhruaina hnuaiah inhruizuan dan a zir ta a, chu chu a record a siam theihna chhan pakhat ni a a hriat thu a sawi.
Nikum October thla khan Cina International Jump Rope Open-ah telon tree-minute single rope jump-ah a champion a, heta tang hian Guinness World Records siam chakna leh tumna a nei tan ta a ni. Alapati chuan, “Minute thum rang taka inhruaizuan chu fei a ngai ngar ngar khawp mai a, minute khatah chuan chet ran dan chikim hriat a ngai a, a hahthlak dan chu sawi phak bak a ni ve thung,” a ti.
Record siam tuma a inhruaizuan hahthlak dan sawiin, “Timer a tawp chiah khan, record ka siam tih ka hre nghal a, mahse, lawm tur pawhin thahrui ka nei tawh lo,” a ti bawk.