Box office-ah ‘The Flash’ a tlan chak ber
Ezra Miller channa, Warner Bros. leh DC superhero movie ‘The Flash’ chuan tun weekend kalta khan North America-ah cinema hall ticket hralhna atangin dollar maktaduai 55.1 a lalut a, North American box office No.1 a ni.
US pawn lamah, ram hrang hrang 79-ah ‘The Flash’ hian dollar maktaduai 72 a lalut bawk a, tihian opening weekend-a khawvel huapa a lakluh chu dollar maktaduai 130 a tling ta a ni.
The Flash hian sum lakluhah beisei a pha lo riau a, Disney CEO David Zadlav-a’n superhero movie a en tawh zawng zawngah hmuhnawm a la tih ber thu te puang deuh dum dum mah se critics lamin an pawmpui chiah lo va, audience lam phei chuan he movie hi B CinemaScore an pe a ni.
Beisei anga The Flash a che tha lo hi a changtupa Miller hi nikum lamah police te nen vawi duai lo an inhnimhnai a, man a tawk zeuh zeuh a, hei hian ticket hralh a nghawng deuh niin an ngai. A movie premiere-ah Miller hi red carpet-ah a inlan tih loh chu a film vawrh larna lamah vawi khat mah a lang lo tlat bawk.
The Flash hi Andy Muschietti direct niin, Miller hi che rang leh tlan chak tak mai Barry Allen/ The Flash lemah changin, Michael Keaton leh Ben Affleck te pawhin an Batman role an rawn inlanpui leh a, Sasha Calle pawh Supergirl anga inlanin, Michael Shannon chu General Zod lemah a chang ve bawk.
Film tlangzarh thar ‘Elemental’pawhin beiseia pha lo a, dollar maktaduai 29.5 lalutin, No.2 a ni. He film hian US pawn, ram hrang hrang 17 atangin dollar maktaduai 17 a lalut bawk a, tihian opening weekend-aa lakluh chu dollar maktaduai 46.5 a ni.
Elemental hi Peter Sohn direct niin, Element City anga chan a ni a, chutahn chuan mei, tui, khawmual leh boruak a cheng thin te chu hmun khatah an khawsa ho. A film-ah hian Ember (Leah Lewis), hmeichhe thluak leh tumruh tak chu a thian Wade (Mamoudou Athie) chuan ‘element-te a inchawhpawlh thei lo’ tia a cho phur dan vel an tarlang a ni.
Animated film ‘Spider-Man: Across the Spider-Verse’-in dollar maktaduai 27.8 lalut lehin No.3 a la ni a, he film hian kar thum chhungin US-ah dollar maktaduai 285 lalut tawhin, US pawn lamah a lakluh nen chuan dollar maktaduai 490 a tling der tawh.
Kar kalta box office No.1 ‘Transformers: Rise of the Beasts’-in dollar maktaduai 20 lalut lehin No.4 a la ni a, he film pawh hian ni 10 chhungin khawvel huapin dollar maktaduai 170 a lalut tling ve ta bawk.
Box office top 10:
1 The Flash $55,100,000 2 Elemental $29,500,000
3 Spider-Man: Across the Spider-Verse $27,800,000
4 Transformers: Rise of the Beasts $20,000,000
5 The Little Mermaid $11,600,000
6 The Blackening $6,000,000
7 Guardians of the Galaxy Vol 3 $5,000,000
8 The Boogeyman $3,800,000
9 Fast X $1,620,000
10 Asteroid City $790,000
Box office-ah ‘The Flash’ a tlan chak ber
Get real time updates directly on you device, subscribe now.
Prev Post