BRICS member ni turin ram paruk pawm fel

On Aug 25, 2023 18 0

India chuan BRICS group tihlen chu concensus-based approach a tihlen chu lawmawm an tih thu a sawi a. Prime Minister Narendra Modi chuan member States te chu India-in digital solutions a kalpui mek chu a hlawkna tel turin Global South te chu a ngen bawk.
Tun dinhmunah BRICS member ram te chu Brazil, Russia, India, China leh South Africa te an ni a, an ram hming theuh chawiin BRICS tih a ni bawk.
“Global South a ram 125 te chuan African Union te chu G-20 member ram ni turin kan ngen a ni. BRICS member tin ten kan thlawp a. India chuan BRICS member tihlen chu a thlawp a ni,” tiin a sawi bawk.
Plenary session neihnaah pawh Brazilian President Luiz Inacio Lula Da Silva, Chinese President Xi Jinping, leh host, South African President Cyril Ramaphosa te pawh an tel a. Russian president Valdimir Putin pawh virtual-a telin a aiawhin Foreign Minister Sergey Lavrov chu a tel thung. Leaders tena “family photograph” an neihnaah Ramaphosa chuan Modi kut a vuan a, Lavrov chuan Xi leh Lula Da Silva te a vuan ve thung.
India chuan BRICS ram tihlen a nih theih nan hian nasa takin hma a la nia sawi a ni a. Member ram dangte pawh hneh bertu nia sawi a ni.
Johhanesburg an thlen hma pawhin PM Modi chuan Iranian president Ebrahim Raesi chu be lawkin BRICS summit-ah pawh inhmuhna an nei a. Iran leh Bangladesh te chu special session neihnaah pawh tel an ni a. New Delhi chuan Iran leh Bangladesh te chu ‘strategic partner’ anga a ngaih te an ni ve ve a ni.
Kumin hian member tharah Argentina, Egypt, Iran, Saudi Arabia, Ethiopia leh United Arab Emirates te an tel a ni.
Prime Minister Narendra Modi chuan member thar belh chuan ‘multipolar world order’ a tichak dawn tiin a sawi zui bawk.
BRICS member thar pawm nan hian kum 13 tehmeuh hman a ni a. Pawl tihlen hmasak ber chu kum 2010 khan niin a hma chuan Brazil, Russia, India, China te chauh niin South Africa telh a nih hnuah BRICS tih a ni ta a ni.
Member thar te hi nakum January thla atangin member an ni dawn a. India chuan consensus siamin tichuan ram dangte pawh BRICS zawm duhte chu partner ram anga chhiar theih turin kalpui ni se tiin a sawi bawk.