Article 370 khinna SC-in ngaihtuah mek

Article 370 nuaibo chungchang khinna Supreme Court-in a ngaihtuah chhunzawm mek zelah Union government chuan Article 370 nuaibo chu Jammu and Kashmir (J&K) mipui tena Centre welfare scheme an dawn theih nana tihmakmawh a ni, a ti.
Hei bakah chuan Centre chuan court hnenah Article 370 nuaibo chuan J&K mipui tena India hmun danga khua leh tui tena an dawn leh neih theih ang a neihtir ve bawk a ti bawk a.
Solicitor General Tushar Mehta chuan State sovereignty chu Union government hnenah India a luh (accession) a thlen rualin pek a ni, a ti bawk a.
Mehta chuan a hmain Supreme Court hnenah Union government chuan North Eastern states leh India hmun danga mite hnena special provision khawih danglam tumna a nei lo tiin a sawi bawk a. Hei hi advocate Manish Tewari-an Article 370 nuaibo chuan northeast state te a tihlauthawng tia a sawi chhanna a ni.
August 5, 2019 khan Centre chuan Jammu and Kashmir special status nihna hlipin State chu Union territory pahnihah a then hrang a ni. Article 370 nuaibo hmangin Central sorkar chuan Jammu and Kashmir special status nihna chu a hlip zui bawk a. Article 370 nuaibo leh Jammu and Kashmir Reorganisation Acrt, 2019 siam chu khinna tam tak lutin kum 2019 khan Constitution Bench hnenah hlan niin ngaihtuah a ni zui ta zel a ni.