Brig. T Sailo hriatrengna hmang
March 27 kha People’s Conference party founder president Brig. T Sailo thih champha vawi 8-na a ni a. PC hruaitute’n Aizawl Kanan Venga a thlanah hun hmangin, zahna chibai an buk a, pangpar an dah.
PC president Vanlalruata chuan Mizoramin rambuai hun khirh tak a tawh laia sipai salbehna laka Zofate chhahchhuahna’n Brig. T Sailo hian ‘Human Rights Committee’ dinin, sipaite nghaisakna laka Zofaten kan dikna leh chanvo kan humhim theihna’n theihtawp a chhuah hnu ah mipuiin a hoin Peoples’ Conference party an din a; tumhnih chief minister chanvo a chelh tih a sawi.
“Ram rawngbawlna kawnga thawhhlawk ber leh hmathlir nei tha ber a ni a. Zofa thendarha awmte rorelna pakhat hnuaia kan kun za theihna’n theihtawp chhuaha beiin, Zo-Reunification Organisation (ZORO) dintu a ni,” a ti.
Brig. T Sailo hian sipaia a tan laiin huaisen chawimawina AVSM a dawn bakah Padma Shree, MZP atangin politician corrupt lo ber leh Vanglaini buatsaih Mizo Award a dawng tih a sawi bawk.
“A hun hnuhnung lama Assembly House-a MLA rualte hnena a thuchah – eng party pawhin Mizoram hmasawnna atchilh bera lo nei turte, Assembly House chu corruption dona hmunpui bera nei turte, rinawmna, dikna, taimakna leh tlawmngaihna vawngnung zel tur leh, hma hruai zel tura a chah kha ram roreltu ni mekte leh la ni zel turte tan chhawmnun zel a tul a. Zoram tana hmathlir thui tak neia engemawchen a lo kalpui tawh chu a hlawhtlin ngei theihna’n theihtawp chhuahin PC party chuan kan chhunzawm zel dawn a ni,” PC president hian a ti.
Brig. T Sailo hriatrengna hmang
Get real time updates directly on you device, subscribe now.
Next Post