Brit Awards-ah Sabrina Carpenter a hot

Brit Awards-ah Sabrina Carpenter a hot
Sabrina Carpenter chu 2025 Brit Awards show kick off-tu niin a hla hit ‘Espresso’ leh ‘Bed Chem’ medley a perform a, London O2 Arena-ah boruak a siam khawp mai.
Lamthiam rual, Britain King’s Guard anga inthuam te nen inlanin, ‘Espresso’ hla sain, British inspired bodysuit leh stocking leh garter bakah thawmhnaw sen tawngchham tak nen a inlan a, chuta ‘Bed Chem’ hlaa chhunzawmin, O2 Arena khum lem an siamah chuan a awm ingeuh kual ta vel a ni.
Carpenter hian Global Success Award a dawng a, a award dawn hi Millie Bobby Brown-i’n a hlan a, Brown chuan Carpenter chu fakin, “Hmeichhe pakhat zanin a min chawk phur em em reng tu,” tiin stage-a a kohchhuah dawna introduction atan a hmang zui ve nghal zat bawk.
Sabrina Carpenter chuan a award dawn lawmthu sawinaah, “UK ka rawn kal hmasak ber chu kum 10 liamta kha a ni. Ka nu nen kan ni a. Tuman tunge ka nih pawh an hre lo. Mi 10 vel bawr chuan min hre ve maithei e. Tunah chuan nangmahni avangin O2 ka headline thei dawn ta,” tiin March ni 8 leh ni 9 a O2 Arena-a show a neih tur a sawi lang nghal bawk.