Fries leh prostate cancer
French fries leh fried chicken tih vel hi i ngaina viau a nih chuan, hei hi hre tel mai mai teh, mipa serh cancer (prostate cancer) risk a tisang niin mithiam ten an sawi tlat.
Tel satak hmanga kanro, entir nan, alu kan ro, sa fry (roast), doughnuts, tih ang chi hote hian mipa serh cancer risk a tisang niin Fred Hutchinson Cancer Research Center-a mithiam ten an sawi.
Zirchianna neitute zinga mi Janet L. Stanford chuan, hetianga tel sa taka thil kan ro, kar khata vawi khat tal ei ziah te chuan a ei ve ngai lo te aiin mipa serh cancer neih theihna risk an nei sang zawk niin a sawi.
Stanford chuan, “Tel chu deep fry-na tur khawpa saa kan chhuan chuan a hmaa awm lo cancer siam thei (carcinogenic compound) a lo insiam ta hin a ni,” a ti.
Zirchianna hi mipa 1,549, serh cancer nei leh, mipa 1,492, serh cancer nei loah te neih a ni a, chuta anga an hmuh dan chuan kar khata hetiang thil kan ro vawi khat tal ei ziah te chuan, thla khata vawikhat chauh emaw a aia tlem emaw ei te aiin 30-37%-in prostate cancer risk an nei sang tih an hmuchhuak niin an sawi.
He zirchianna chungchang hi journal The Prostate-ah tarlan a ni
Fries leh prostate cancer
Get real time updates directly on you device, subscribe now.
Prev Post
Next Post