February ni 16 khan anmahni dangtu BSF te helin Bangladesh a\angin Mizoramah raltlan an lut leh a, Parva III-ah awmin relief camp-ah awmtir an ni tih thu dawn a ni.
Parva III a\anga thu dawn danin, Ningani tlai dar 4 velah khan Bangladesh a\angin chhungkaw 11, mi 553 te’n Parva III hi an thleng a, mipa 30 leh hmeichhia 23 niin, naute te pawh an tel.
Bangladesh-a Chittagong Hill Tracts a\anga Mizorama raltlan lut tharte hi Mizorama tlanchhiat an tum vawi thumnaah an hlawhtling a, BSF te’n an lo dan tawh, an lo kirtir tawhte an ni tih thu dawn a ni.
Kawngah ni thum vel an thang a, ni thum chhung chaw ei lo te pawh an awm nia sawi a ni. Hak thlak tur pawh nei lo an awm a, kawnga ei tur pawh an pai hlei thei lo tih thu dawn a ni.
Parva III-ah hian relief camp-ah an lut nghal a, Lawngtlai bawrhsap office lamin ei tur, buhfai, dailuah leh bekangsa te an pe nghal.
Chittagong Hill Tracts a\anga Mizorama tlanchhiat tumte hi BSF te’n lo dangin engemaw zat an kirtir tawh a, chuti chung chuan January ni 15 khan BSF te helin chhungkaw 22 vel, mi 56 te chu Mizoramah an lo thleng tawh.
Bangladesh Refugee Relief Committee te’n an chhinchhiah danin, a hmain raltlan hi mi 474 an lo lut tawh a, thleng thar mi 53-te nen 500 an pel ta.
Parva III hi an luhna ber a ni a, chuta \ang chuan sorkar ruahmannain hmun dangah awmtir \hin an ni. Parva III-ah hian chhungkaw 34 vel an lo awm sa, thleng thar chhungkaw 11-te hi hmun danga dah tur nge Parva III-a awm zui tur tih hriat a ni rih lo.
BSF te helin raltlante’n Mizoram lut leh
Get real time updates directly on you device, subscribe now.