BSNL hnenah Rs 89,047.82 crore pek belh

Union Cabinet chan Bharat Sanchar Nigam Ltd (BSNL) revival package thawh thumna turin Rs 89,047.82 crore pek chhuah remtiin hetah hian 4G/5G spectrum allotment te pawh a keng tel nghal bawk.
Tihian BSNL authorised capital chu Rs 1,50,000 crore aTangin Rs 2,10,000 crore-ah a zuang chho dawrh a, sorkar chuan BSNL chu India hmun kilkhawr te connectivity pe turin ‘telecom service provider ngelnghet’ a ni ang tiin a sawi.
BSNL/MTNL revival package hmasa ber chu kum 2019 daih tawh khan Rs 69,000 crore pekchhuah tawh a ni a. Kum 2022 khan Centre chuan BBNL leh BSNL insuihfin nan a adjusted gross revenues (AGR) kaihhnawih te leh capex financial support, rural landlines gap funding atan te Rs 1.64 lakh crore a lo pawmpui tawh bawk a.
“Heng hmalaknate avang hian BSNL chuan FY22 ah profit a nei Tan a. BSNL leiba pawh Rs 32,944 crore aTangin Rs 22,289 crore ah a tlahniam,” tiin thuchhuah chuan a tarlang bawk.
Rs 89,047 crore pek tur aTang hian Rs 46,338.60 core chu 700 MHz band 22 licensed service areas (LSAs) a 10MHz spectrum lei nana hman tur a ni a, Rs 26,184.20 chu LSAa 22 a 3300 MHz band a 70MHz band lei nana hman tura tih a ni a, Rs 6,564.93 crore chu LSAs 21 a 26GHz a 800 MHz lei nan leh LSA pakhata 650 MHz lei nana hman tur atih a ni a, Rs 9,428.20 crore chu LSAs paruk a 20 MHz leh LSAa pahniha 2500 MHz a 10 MHz pahnih lei nana hman tura tih a ni.
Tihian BSNL chuan India ram pumah 4G leh 5G a cover vek thei tura ngaih niin thigntlang lamah 4G in a tuam vek thei dawn bawk a, chu mai bakah fixed wireless access (FWA) service hmangin high-speed Internet leh services/ spectrum for captive non-public network (CNPN) a pechhuak thei dawn bawk.
Ashwini Vaishnaw, Minister of Communications and IT chuan BSNL chuan kumin chhungin Rs 53,000 crore hmangin tower thar din dawnin chu mi hamng chuan India pum chu 2G/3G, 4G leh 5G network in a tuam ang a ti bawk a. Tun hnai lawkah BSNL chuan Rs 19,000 crore oin 4G network kalpui nan TCS and C-DOT consortium a leisak bawk.