External Affairs Minister S Jaishankar chuan Rahul Gandhi chu na taka beiin Congress leader in ram pawna a ngaihdan a sawi chuan India tan hlawkna a nei lo tiin a sawi.
Jaishankar-an Prime Minister Narendra Modi-a foreign policy kalpui kum sawm tlinna puala press conference a neihah, “Rahul Gandhi-an India ramah eng pawh tise harsatna ka nei lo, mahse, ram pawna a chet dan chu India tan hlawkna awm lo a ni,” tiin a sawi.
External Affairs Minister-in a chhanletna hi Rahul Gandhi-an San Francisco a inhmuhkhawmnaah BJP sorkar chuan an party-in Bharat Jodo Yatra a kalpui chu kawng tinrenga tihtawp tumin central agency te chu mipuite vau nan a hmang tia a sawi chhanna anga ngaih a ni.
“Bharat Jodo Yatra tihtawp nan sorkar chuan kawng tinrengin chet a la a. BJP te hian sorkar agency hmang sualin mipuite vau nan a hmang a ni. Mahse, engmah awmzia nei lo a ni a, Yatra hluttu an pung zawk. A chhan ber pawh ‘Join India’ idea chu mi tin thinlunga awm a ni tlat” tiin Gandhi chuan a sawi a. “Bharat Jodo Yatra kalpui a nihna chhan chu mipuite nena inzawmna kan neih theihna hmanrua te BJP-RSS tena an thunun vek vang a ni,” tiin a sawi.
Jaishankar chuan, “Khawvelin min thlir reng a. Inthlan Thenkhatah party pakhat a chak a, a Thenah a dang an chak a. India ramah an ngaihdan a chungnun lohin ram pawnah an keng chhuak a ni,” a ti.
Jaishankar chuan India chu tihluihna, tawktarh emaw leh ngaihdan dik lo mai maiin a hneh mai mai lo tia sawiin pawn lam nawrnain independent ram chak tak a tinghing mai mai lo a ti bawk.
Jaishankar-a’n Rahul Gandhi sawisel
Get real time updates directly on you device, subscribe now.
Prev Post
Next Post