BTS 10th Aniversary: Seoul a purple. Apobangpo!

BTS 10th Aniversary: Seoul a purple. Apobangpo!
June ni 13 a ni a, BTS kum 10 tlin an lawm meuh chuan South Korea khawpui Seoul pawh ‘Purple Land’-ah a chang ta a ni ber mai. Fans lam pawhin ‘Apobangpo’ tih sawi an bang thei lo. Chu chu ‘ARMY Forever, Bangtan Forever’ tihna a ni si a. Fans lamah hmaih an neih meuh lo, Weverse LIVE video hlui an phawrh a, BTS member JUngkook, Jimin, V aka Kim Taehyung, Suga, RM, Jin leh J-Hope te video hlui te pawh an phawrh leh nual a, social media lamah rik rak an ti deuh reng mai. BTS kum 10 tlin champha lawm nan hian South Korea-a hmun lun leh langsar, inchhawng sang leh lei bakah an khawpui Seoul chu purple rawngin an chei chuai mai a ni.
BTS member te thlalak leh video hrang hrang chu hmun tinah hmuh tur a awm emaw tih mai turin Seoul khawpuiah chuan he 10th anniversary hi an lawm a. Thawhtanni tlai lam atang tawh khan Seoul-a hmun hmingthang thenkhat City Hall, 123-story Lotte World Tower leh Han River lei bakah Dongdaemun Design Plaza (DDP) te pawh purple rawngin an chei tawh a, purple hi BTS nena inkaihnawih a ni. Seoul khawpui hmun lun laiah te chuan BTS duhsakna thuziak leh lawmpuina te chu digital screen hrang hrangah a kal zut zut reng bawk. Postal lama tuneitu te pawhin BTS kum 10 tlin champha pual hian stamp an lo siam ve bawk.
BTS (Bangtan Sonyeondan an ti bawk) hi K-Pop group niin, khawvel huapa K-pop chawisangtu te zinga mi an ni a, tunlai rimawi khawvela group lar ber ti a chhal ngam an ni. An group hio June ni 13, 2013 a din a ni a, tunah chuan khawvel hmun tinah an fans, ARMY an inzarpharh tawh a ni. BTS hian rimawi khawvelah pawh record chi hrang hrang an rawn siam chho deuh mawlh mawlh bawk a ni.
BTS leader RM chuan Instagram-ah lawmthu sawiin, “ARMY-te leh min tanpui thintu mi tam tak te hnenah lawmthu ka sawi, ka tawn leh ngai tawh loh tur tawnrhiat special tak tak ka tawn theih phah a,” a ti. RM ian Apobangpo changchang sawiin, “Hetiang thumalin min zial a hlimna min thlen hi a hlu a ni. Noun kha pronoun a lo nih a; BTS chu BTS a lo nih a, AMRY pawh ARMYâ€æ a nih hnuah ruah leh thli tam tak kan tawng a, hmangaihna nen. Midang hriatthiam ve mai mai loh tur kan khawvel kan din a ni,” a ti.
Jimin pawhin fan-te hmangaihna an dawn avanga lawmthu sawiin, “ARMY te hei hi ka hrilh fo tawh che u, a chhan awm lo va mi tuemaw hmangaih a support a, tih chak hi thil awlsam a ni lo. Chuvang chuan kan hlimna pawh hi ka hrethiam a ni. Hetiang hian min awm tir a ni, hmangaihna luangliam avangin kan hlim. In ti ngei tur a ni. Inhrethiam em? ARMY, ka lawmna leh ka hmangaih te, rei tak hi hlim reng ang u,” a ti.
V pawhin behind-the-scenes leh footage la tihchhuah ngai loh, member dang te nena hlim taka hun an hmang lai te a share nual a, “Ka tih tan atangin kum 10 a lo ni ve ta reng mai..kum 10 chung, kan member te hriselna te leh ARMY-te nena hriatreng tawh tur tha tak tak kan neih te avangin lawmthu ka hrilh che u, chakna neih belh zel chungin hei hi kan ti thei a ni,” a ti ve bawk.