Buaina-in a nuai Manipur-ah School hawng

Manipur school chu July 5 khan thla hnih chhung khar a nih hnuah hawnin a awm ta a. State official te chuan Class I atanga VIII inkar zirlai naupang 4,521 in school an kal tiin a tarlang.
“Zirlai school kal tlemna chhan hi nu leh pa ten hlauhna an la neih vang leh transportation lama harsatna tawh vang a ni” tiin Education Department official te chuan an sawi.
L. Nandakumar Singh, Director of Education (Schools), Manipur in order July 4 a tihchhuah a neihah school 4,617 inhawng tura tih chuan tharumthawhna avanga harsatna tawk institution 96 te relief camp a hman mekte chu a huam lo a ti a.
Relief camp-a hman school chu Churachandpur distirct-in ngah berin 41 lai a nei a, a thenawm Bishnupur-ah 17 a awm bawk a, Kakching-ah 10 leh Imphal East leh Kangpoki-ah pariat leh Ukrul leh Tengnoupal ah te pali ve ve awmin imphal West leh Thoubal-ah pahnih an awm a ni.
“Heng school bik te hawn hun tur chu zirlaite kalna tur sawn emaw relief camp sawn emaw hnuah ruahmanna thar siam a ni ang,” tiin thupek chuan a tarlang.
Chief Minister Nongthombam Biren Singh chuan Class IX atanga XII te chuan chenna in rauhsan mek te chenna lailawk tur siam a nih hunah school an kal tan ang a ti a. Tun hi Manipur sorkarin June 21 leh July 1 hnua school hawn a tum tum thumna a ni tawh.
Officials te chuan community hrang hrang te mi 50,000 chuang chu relief camp 350 siamah an awm khawm mek tiin a sawi a.
Manipur buaina avang hian nunna chan 130 chuang awm tawhin chenna in, sumdawnna hmun, dawr leh vehicle thahnem tak tihchhiata halin a awm tawh bawk.
Hetih lai hian July 5 khan Manipur-a hmun hnihah silai hmeh puah niin mahse hliam leh nunna chan an awma hriat a ni lo.
Silai puak hmasa zawk chu Khoujumtambi area-ah zinglam dar 7 atanga dar 8 inkarah a thleng tiin sawi a ni a. Silai puak hnihna chu East Phaileng lamah niin hetah pawh thi leh hliam sawi an awm lo bawk.
Manipur buaina hi May 3 a ‘Tribal Solidarity March’ atanga intan kha niin chu chu Meitei community tena Scheduled Tribe nih an tum leh ngiat duhlohna lantirna a nia. Buaina chhuak chuan reh lam pan aiin zual lam pan zelin tun thlengin a la buai ta zel a ni.