Building tha loa awmte chhuah theih hun pawtsei

Ainawn Veng Aizawla sawrkar hnathawkte awmna tura duan chu a building a hlui tawh hlawm avangin sawrkar chuan sakthat tumin, a luahtute chu chhuahsan hun tur ni a ruat sak a, ni ruat hi a pawhsei sak leh.
Sawrkar hnathawkte awmna tura duan a nih avanga Govt Complex Veng tia sawi zui tak, tunhnaia sawrkarin Ainawn Veng tia a thlak takah hian sawrkar quarters engemawzat a awm a; Council of Ministers thuchhuak chuan he hmuna in ho hi thiah a, sakthat turin a ti. Hemi ang hian sawrkar chuan kumin August 22 ralhmaa heng in luahtute hi chhuak turin a ti a. In luahtu zingah chhuahna mai tur hre lo an tam avangin sawrkar thuneitute hnenah ngenna an thlen a, sawrkar hian kumin December 31 thleng awm thei turin hun a pawhsei sak tih hriattirna a tichhuak a ni. Hetihrual hian building hi a that tawh loh avangin, dateline hi nghak kher loin an sahim zawkna atan a rang thei ang bera chhuahsan turin a hrilh.
Sawrkarin huntiam a pawhsei sakah hian, building him lo zual nia hriat panga chu a huam chuang loa; a thawhkhatna atana thiah tura a tih heng building panga hi chu ruahman lawk anga thiah tho tur a ni tih a hriattir.