Bulgarian writer Georgi Gospodinov leh translator Angela Rodel te chuan International Booker Prize chu lunglenna (nostalgia) hlauhawmna lam darkly comic novel ‘Time Shelter’ vangin an la.
He lekhabu hian finalist dang lehkhabu panga te chu khumin English a lehlin lehkhabu tha bera thlan a ni a. Lawmman 50,000 pound keng telin hei hi author leh translator te hnenah a zahvea sem tur a ni.
Time Shelter hian clinic tun hma siam thar leh thei suangtuahin kum sawm kalta hun te a tharthawh leh a, hriatrengna hloh tawh dementia vei te tanpui tumna a ni bawk.
Kum 55 a upa Gospodinov chuan ‘lunglenna hmanruaa hman tumna’ hisapin lehkhabu chu ziak a nih thu sawiin kum 2016 atanga a ziah tan a nih thu a sawi a. Khatihlai khan Donald Trump thlantlin kum leh UK in Brexit referendum a kalpui lai niin ‘anxiety nasa tak awm lai a ni’ tiin a sawi bawk.
“Tun hma thil chungchang novel ziah tum ka nia” tiin a sawi a. French novelist Leila Slimani chuan lehkhabu chu ‘novel turu tak lunglennaa khat a ni’ a ti a.
“Contemporary question leh philisophical question a khat novel ril tak a ni a. Kan hriatrenga te bo ta se eng nge lo thleng ang tihlam hawi a ni” tiin a sawi bawk.
“Hei bakah hian Europe kaihhnawih novel a ni tel bawk a, khawmualpuiin hmalam huna a mamawh tur te, lunglenna chu tur a nih theih dan te tarlanna a ni” tiin a sawi bawk.
Nikuma he lawmman la tu khan Indian writer Geetanjali Shree leh American translator Daist Rockwell te niin “Tomb of Sanf” hmangin an la a ni.
Bulgarian writer hnenah Booker Prize
Get real time updates directly on you device, subscribe now.
Next Post