By pass road siamna tih puitlin tur hi lawmawm – MNF

Aizawl khawpui tawt lutuk leh inek bengna tiziaawm tura ruahmanna siam, Aizawl by-pass road tia hriat tih hlawhtlin a ni tur chu lawmawm an tih thu MNF party chuan an sawi.
MNF Gen. Hqrs. thuchhuak chuan, chief minister kalchhuak ta Pu Zoramthanga’n ngaihtuahna thui tak senga Aizawl khawpui tawt lutuk leh inek beng tlurna hmun tiziaawm tura hun rei tak atanga ruahmanna a lo siam tawh, Aizawl by-pass road tia hriat lar, Aizawl by-pass tunnel chu ZPM sawrkar hnua BJP sawrkarin a tipuitling dawn ta chu lawmawm a tih thu sawiin, Ministry of Road Transport & Highways hnuaia National Highways & Infrastructure Development Corporation Ltd chuan a taka thawk turin notice inviting bid a chhuah tawh chu lawmawm a tih thu a sawi bawk.
‘Bangladesh, Myanmar leh Manipur-a kan unau raltlante thlavang hauh kawngah na takin MNF kaihhruai sawrkar kha a pen a, central lam duhdan pawh palzutin huai takin hma a la a. Khang thil avangte kha nia rin theihin hmasawnna kawnga Pu Zoramthanga kaihhruai hmalakna kha engemawchen tih khaihlak a ni. Tunah BJP leh a sangawizawnpui ZPM ten sawrkarna an chan tak hnu ah MNF hmachhawp liantham chu a rah hmuh theihin a awm chho zel dawn a ni,’ a ti.