Shakira leh Bizarrap te thawh dunna ‘BZRP Music Sessions #53’ chu Spotify-a nikhat thil thua Latin hla stream nasat ber a nih thu Spotify-in an puang ve leh ta. He hla hi tunlaia boruak nei lian leh ngaihven hlawh ber pawl niin, Shakira-i’n a ‘ex’ Gerard Pique a kahna hla a ni. He hlaah hian Pique mai bakah a tawih thar, Clara Chia Marti pawh Shakira hian a hmer tel tho a, a hla hi Bizarrap produce a ni.
-- Advertisement --
‘BZRP Music Sessions #53’ hi Spotify Global 50 chart No.1-ah a debut a, stream maktaduai 14.4 tlingin, Latin hlaah chuan Spotify-a ni khat thil thua stream nasat ber record a ni. Shakira chuan, “Kum 45 hmel hmuh tawh hnuah, Spanish lehnghalin khawvel huapa No.1 nih hi ka suangtuah phak tawh lo ram a ni. Hmeichhia, an ngaihtuah leh vei zawng te tan ngam a, miin an melh deuh hrek hrek lai pawha an ngaihdan ni lo thil a awm a ban phar chhuak ngam te hi min fuihtu te an ni,” a ti.
Shakira chuan he hla hi a rilru chhungrila a thil vei te a puan chhuahna a ni tih sawiin, “Kan nunah miin thei thura min vawm laia, chu thei thur chu thei tui a lo siam ve mai tur tih min zirtirtu hmeichhia zawng zawng te tan a ni,” a ti bawk.