CADC-ah vote nei 35894 an awm

Chakma Autonomous District Council huamchhungah vote nei 35894 an awm a, mipa an tam zawk.
Chakma Autonomous District Council (CADC) huamchhunga village council inthlanpui neih huna hman tur electoral roll buaipui tan a ni a, Nilaini khan ‘Draft Electoral Roll’ tlangzarh a ni.
Chawngte-a tlangzarhtu Lawngtlai district election officer, bawrhsap Cheemala Siva Gopal Reddy chuan democracy ramah mipuiin an aiawh an thlang thin a, inthlanna felfai leh thianghlim awm turin uluk taka electoral roll siam a pawimawh tih a sawi. VC member-te chu khawtlang mipui innghahna hmasa leh tangkai, a bulthuta hna thawktu an nih avangin member tur thlanchhuah thiam a ngai hle tih a sawi bawk.
Draft electoral roll-a a lan danin, CADC hnuaiah VC 88 awmin, mipa vote nei 18212 leh hmeichhia vote nei 17682, an vaiin vote nei 35894 an awm. Electoral roll- a hming thun thar, paih leh tihdikna siam duh tan 2025 January 6-16 chhung hun hawn a ni a, January 17 atangin dilna lut chu ERO leh AERO ten an endik ang.