National Human Rights Commission-in sawrkar laipui, state leh UT sawrkar hnena hmeithaite dilna chanvo humhimna atan leh an hmakhua ngaihtuah sakna hmanrua atan ‘Widow Cell’ din tura thurawn a pek bawhzuina atan Mizoram sawrkar chuan Widow Cell a din a, Ningani khan Women & Child Development minister Lalrinpuii’n a tlangzarh. Mizoramah chuan Widow Cell hi district tina One Stop Centre tinah din a ni.
Widow Cell kaltlang hian hmeithei, eizawnna neiloten ei an zawn theihnan thiamthil zir (skill development training) ngaihtuah pui, mipui tana hamthatna scheme hrang hrang sawrkarin a kalpuite hrilhhriata ngaihtuahpui, an mamawh dan azira psychological councelling pek, dan hmaa an dikna chanvo an hum theihnan legal councelling pek leh a dangte a huam tel a. Mizoram hi India ram state zingah Widow Cell din hmasa pawl a ni tih Women & Child Development department hotute chuan an sawi.
Minister chuan Widow Cell din hian a tum ber chu, hmeithaite hmasawnna atan kawng hrang hranga hmalakna bakah hmalakna awmsa tih chak leh hmeithaite hmalam hun atana ruahmanna tha ngaihtuah sak a ni tih a sawi a. Hmeithaite tuamhlawm leh ngaihsak chu hnam leh khawtlang anga kan tih tur leh kan lo tih fo a ni, tiiin, hmeithaite dikna chanvo humhalh a nih theihna turte, harsatna tawkten an kawng an sah en theihna tura kawng lo kawhhmuha lo puitu ni tur leh hmeithaite thlamuanna thlentu an lo nih theihna atan Widow Cell chu tangkai taka hman a nih a beisei thu a sawi a ni.
Hmeithaite hmakhua ngaihtuah saktu tur Cell sawrkarin a din
Get real time updates directly on you device, subscribe now.
Prev Post