Campaign-naa minister car hmanga sawiah complaint

Aizawl Municipal Corporation inthlan turah ZPM party tana campiagn-naah model code of conduct-in a phal lohin MLA pahnih chu minister car adviser to CM car hmanga chetchhuah a ni tih Congress party chuan sawiin, State Election Commission leh Mizoram People Forum hnenah complaint an thehlut.
MPCC Legal Cell-in complaint an thehluhah hian, AMC inthlan turah party tinte an tangin chak ngei tumin hma an la theuh a. Hetihlai hian April 15 (Nilaini) zan dar 8.00 khan Saikhamakawn Apex Bank Branch kawtah minister leh adviser to CM chuan an official car leh designation plate tar chungin, SEC Mizoram-in model code of conduct a siam pawisakna leh zahderna tel miah loin an official candidate a tlin ngei theihnan nasa takin an campaign tih hriat a nih thu a thlen.
Hei hi MPF Local Forum Saikhamkawn an hriattir nghal bakah State Election Commissoner hnenah complaint an thehlut tih an sawi a ni.
‘He thilah hian ruling leh opposition party-ten inang khata tluang taka campaign kan neih theihnan 2026 March 24 chhun dar 12.00 khan all party leh MPF chuan joint meeting min lo neihpui tawh a. Kha meeting-ah khan lungrual takin model code of conduct zawm theuh turin kan lo intiam vek tawh a ni,’ MPCC chuan a ti.
MCC zawm tur a awm tih hrereng chunga ZPM party tana minister leh adviser to CM ten pawisakna nei loa an campaign chiam chu dan bawhchhiatna chiang tak a ni tih MPF Hqrs an hriattir tih a sawi a ni.