Cancer vei hnuah Irish accent hlirin tawng zui

US mi pakhat chuan prostate cancer a neih hnuah Ireland ram la tlawh ngai miah chuang si lovin ‘Irish accent’ hlirin a tawng zui tiin researcher te chuan an sawi.
He pa hi North Carolina-a cheng niin kum 50 ni tawh niin foreign accent syndrome (FAS) in a bawhbuai tiin British Medical Journal chuan a tarlang.
Mak tak maiin Ireland la tlawh ngai miah lo, an accent ang pawha la tawng ngai lo khan Irish accent hlirin prostate cancer a vei hnuah a tawngzui ta char char a ni.
Tun hnaiah hetiang deuh hi hriat tur an awm zeuh zeuh a. Tun hnaiah Duke University, North Carolina leh Carolina Urologic Rsearch Center, South Carolina te pawhin an zirchiang dun tawh bawk a.
“Kan hriat phak chinah chuan tun hi prostate cancer veiin FAS a neih tumkhatna a ni” tiin report’s author te chuan an sawi a.
An zirchian pa hi a kum 20 chhoh velah England-ah chuan a cheng tawh ngei a, Ireland-ah chhungte hla tak tawh te chu an nei a, mahse, Irish accent-in tum khatmah a la tawng ngai lo thung.
“Irish accent hmang lovin a awm thei lo va, khawi hmunah pawh awm se nasa takin a hmang a ni” tiin researcher te chuan an sawi a. A cancer atanga thla 20 hnu vel atangin a accent a thlak tan tiin an sawi a. A natna a nasa tial tial a, a thih thlengin Irish accent hlirin a tawng zui tiin an sawi bawk.
“Neorological examination ah engmah felllo hmuh a ni lo va, a thluaka MRI tihnaah pawh engmah thil fello hmuhchhuah a ni lo” tiin report chuan a tarlang bawk a.
Researcher te chuan a aw inthlak danglam chu paraneoplastic neurological disorder (PND) in a thlen ni theiah an ngai a. PND hi cancer in immune systembeia thluak, tha leh sinal cord te a beih avanga thleng thin a ni.
FAS lo nei tawh te chuan an tawng a piangin an bulah mikhual/midang tu emaw an awmah an ngai thin tiin an sawi thin bawk a. Kum 2006 pawh khan UK hmeichhia Linda Walker chuan stroke a neih hnuah a Geordie accent chu Jamaican accent in a thlak daih tawh bawk.
Kum 1941 daih tawh khan Norwegian hmeichhia pawhin Indopui II na laia bomb kehthemin a den hnuah German accent hlirin a tawng zui tawh bawk a. Chuvang chuan tualchhung mi te chuan Nazi spy emaw an lo ti tawh bawk a, an buai phah hat tawh a ni.