Cardi B ‘Am I The Drama?’-in 2X Platinum kai

Cardi B ‘Am I The Drama?’-in 2X Platinum kai
Cardi B album thar ‘Am I The Drama?’ chuan an tlangzarh atanga ni 10 chhungin Recording Industry Association of America (RIAA) double platinum certification a kai hman a, ni 10 chhungin US-ah maktaduai 2 an hralh thei tihna a ni.
‘Am I The Drama’ hi Cardi B album pahnihna niin, Billboard 200 (US albums) chart No.1-ah a debut a, tunah hian RIAA-in official-in 2x Platinum certified album a nih thu an puang ta a ni. RIAA-in platinum certified a tih chu hla a malin emaw, album emaw US-a maktaduai hralh tlin theih chhinchhiahna a ni a, 2x platinum a nih chuan maktaduai hnih tihna a ni mai.
He album-ah hian a hla hit, Billboard Hot 100 (US singles) chart-a No.1 kai thei ve ve ‘WAP’ leh Up’ te pawh a dah tel a. ‘WAP’ hi 9x platinum certification dawng tawh niin, ‘Up’ pawh hi 5x platinum a kai tawh bawk. Cardi B hian ‘Am I The Drama?’ hi a tlangzarh hnuah bonus track ‘Don’t Do Too Much’ leh ‘ErrTime’ Latti remisx te dah telin a tlangzarh leh tawh bawk.
Cardi B album hmasa ‘Invasion of Privacy’ pawhin 2022 khan 6x platinum certification a nei tawh a, he album-a hla 13 awm zawng zawng chu RIAA platinum emaw a aia sang emaw an kai vek bawk a, hmeichhe zaithiam zinga hetiang tithei masa ber leh awm chhun a la ni.